ಅಥ
- ಉದ್ಬೋಧಗೀತಮ್|| (ಇಂದ್ರಗುಣವರ್ಣನಮ್)
ವಂದೇ
ತಮಿಂದ್ರಂ ವೇದಾಬ್ಧಿಚಂದ್ರಂ ಸೌಭಾಗ್ಯಸಾಂದ್ರಂ ಕಾರುಣ್ಯಕೇಂದ್ರಮ್ |
ಇಂದ್ರೋಸ್ಮದೀಯಃ
ಪೂರ್ಣಸ್ಸಮೀಡ್ಯೋ ಧ್ಯೇಯಃ ಪ್ರಶಾಸ್ತಾ ಛಂದಸ್ತವಾಢ್ಯಃ || 01 ||
ಸ್ತುತ್ಯಂ
ತದೈಂದ್ರಂ ಜ್ಯೋತಿರ್ಗಭೀರಂ ಯಸ್ಸರ್ವಸರ್ಗೇ ಸ್ಯೂತಂ ಹ್ಯಪಾರಮ್ |
ಪ್ರಾಗ್ವಿಶ್ವಸೃಷ್ಟೇರಾಸೀದ್ಯದೋಜಃ
ಪ್ರೋಕ್ತಂ ತದಾರ್ಯೈರ್ಮಾಹೇಂದ್ರತೇಜಃ || 02 ||
ಸ್ವಾರಾಣ್ಮಹೇಂದ್ರೋ
ವೈಶ್ವಾನರಾಸ್ಯೋ ಭಕ್ತ್ಯಾ ಸ ಭವ್ಯಸ್ಸರ್ವೈರುಪಾಸ್ಯಃ |
ಪೂಜ್ಯಾ
ಹಿ ಚಾನ್ಯೇ ಸೂರ್ಯಾದಯಸ್ತೇ ದೇವಾಸ್ತು ಸರ್ವೇ ಕಿಂತ್ವಿಂದ್ರಹಸ್ತೇ || 03 ||
ಇಂದ್ರಸ್ಯ
ವಿದ್ಯಾದ್ವೇದೈಃ ಪ್ರಭುತ್ವಂ ತಸ್ಯಾಪಿ ಲಕ್ಷ್ಮ್ಯಾಃ ಕಿಂಚಿದ್ಧ್ಯವತ್ವಮ್ |
ಧ್ವಸ್ತೋ
ಹಿ ಸಾಕ್ಷಾದಿಂದ್ರಪ್ರಸಾದಃ ಹಾ! ಹಾತ್ರ ಹೇತುಃ ಕೋಪಿ ಪ್ರಮಾದಃ || 04 ||
ಸಾಧ್ಯಸ್ಸ
ಇಂದ್ರೋ ಮೋಹಾದ್ವಿನಷ್ಟಃ ದೈವಭ್ರಮಾಬ್ಧೌ ನಾಮಾವಶಿಷ್ಟಃ |
ಭೋ!
ಜಾಗ್ರತ ದ್ರಾಗೈಂದ್ರೀಚ್ಯುತಾ ಶ್ರೀಃ ತನ್ನೋ ಗತಾ ಸಾ ಕಾಪ್ಯಕ್ಷಯಾ ಶ್ರೀಃ || 05 ||
ಅಸ್ತಂ
ಗತೋ ನಸ್ಸೌಖ್ಯಪ್ರಕರ್ಷೋ ನಿತ್ಯಃ ಕುತೋತಸ್ಸಾಧ್ಯಸ್ಸ ಹರ್ಷಃ |
ಐಂದ್ರಂ
ಜಪೇತ್ತಂ ಮಂತ್ರಂ ತು ಸಾರ್ಥಂ ನಾನ್ಯಾ ಗತಿರ್ನೋ ಭಾಗ್ಯೋದಯಾರ್ಥಮ್ || 06 ||
ಭಾವ್ಯಂ
ಸ ಮಂತಾದಿಂದ್ರಸ್ಯ ಸತ್ವಂ ತಸ್ಯ ಪ್ರದೀಪ್ತಂ ದಿವ್ಯಂ ಮಹತ್ವಮ್ |
ಇಂದ್ರೇಣ
ಸರ್ವಂ ವಿಶ್ವಂ ವಿಸೃಷ್ಟಂ ನಾನಾವಿಧಾನೈಸ್ತೇನೈವ ಪುಷ್ಟಮ್ || 07 ||
ಅಸ್ತ್ಯೇಕಮನ್ಯಚ್ಚಿತ್ರಂ
ರಹಸ್ಯಂ ಸರ್ವೇಂದ್ರಿಯಾಂತಃ ಪಶ್ಯೇಂದ್ರಲಾಸ್ಯಮ್ |
ನೂನಂ
ಹೃಷೀಕಂ ಯಚ್ಚೇಂದ್ರವಿದ್ಧಂ ನಾಮ್ನೇಂದ್ರಿಯಂ ತಚ್ಚಾಭೂತ್ಪ್ರಸಿದ್ಧಮ್ || 08 ||
ಭುತ್ವೇಂದ್ರಿಯಂ
ಯೋ ದೇಹೇತಿ ಗುಪ್ತೋ ನಾನ್ಯಸ್ಸ ಇಂದ್ರೋ ಜೀವೋಸ್ಮದಾಪ್ತಃ |
ಇಂದ್ರಂ
ಯಮಂತಃ ಪ್ರೋತಂ ತು ಜೀವಂ ವ್ಯಾಪ್ತಂ ಬಹಿಸ್ತಂ ಪಶ್ಯೇದ್ಧಿ ದೇವಮ್ || 09 ||
ನಾತ್ರೈಕ್ಯದೃಷ್ಟ್ಯಾಮದ್ವೈತಶೀಲಂ
ಕಿಂಚಿದ್ವಿಶಿಷ್ಟಂ ಭಾತೀಂದ್ರಜಾಲಮ್ |
ಜೀವೇ
ಚ ದೇವೇ ಕೋಪಿ ಪ್ರಭೇದೋ ನೈವಾತ್ರ ಚಾಮ್ನಾಯೋಕ್ತೌ ವಿವಾದಃ || 10 ||
ಭೋ!
ವೈದಿಕೋಕ್ತ್ಯಾಂ ನಾನ್ಯೋ ಮತಾಂಕಃ ಕೋಪ್ಯಸ್ತಿ ಚಾದ್ಯೋನಾದೋ ವಿಶಂಕಃ |
ಜ್ಞೇಯಸ್ಸ
ಛಂದೋ ವಾಙ್ಮೂಲಭಾವೋ ಯೋ ವೈ ಪ್ರಜಾನಾಂ ದುರ್ದೈವವಾದಃ || 11 ||
ಮಾಯಾವಿಭಿರ್ವಾ
ಮೂಢೈರುತಾಹೋ! ನೀತಂ ಲಯಂ ತೈಸ್ತತ್ಪ್ರಾಗ್ಘೃತಂ ಹೋ! |
ಜ್ಞಾತ್ವಾ
ವಿಶುದ್ಧಂ ಪೂರ್ವೇತಿಹಾಸಂ ಸಂಸಾಧಯೇತ್ತಾಂ ಪ್ರಾಚೀನಭಾಸಮ್ || 12 ||
ಭೂಯೋಪಿ
ಮಾಭೂದ್ಭ್ರಾಂತಿರ್ಜನಾಂಗೇ ಸಂಶೋಧನಾನಾಂ ಸತ್ಯಪ್ರಸಂಗೇ |
ಯಸ್ಯಾಃ
ಪ್ರಸಾದಾತ್ಸ್ಯಾತ್ಸತ್ಯವಿನ್ನಾ ಸಾ ವೇದವಾಣೀ ಭೂಯಾತ್ಪ್ರಸನ್ನಾ || 13 ||
ಯಜ್ಞಸ್ಸಮಗ್ರೋತ್ಪತ್ತೇರ್ನಿದಾನಂ
ಸರ್ವೇಷ್ಟಸಿದ್ಧ್ಯೈ ಸೋಯಂ ಪ್ರಧಾನಮ್ |
ಯಾಗಃ
ಕ್ವಚೋಗ್ರ್ಯೋ ಭೂಕಲ್ಪವೃಕ್ಷೋ ಯಾಗಃ ಕ್ವಚಾಸೌ ಭಿನ್ನಸ್ಸಮೋಕ್ಷಃ || 14 ||
ಮೇಧಾ
ಪ್ರಜಾ ವಾನಾರ್ಷೇಯಕಲ್ಪಃ ಕೈವಲ್ಯನಾಮ್ನಾ ಹಾತುಂ ಕಿಮಲ್ಪಃ |
ಗ್ರಾಹ್ಯಾತ್ವಭುಗ್ನಾ
ವಾರ್ತಾ ವಿನಿದ್ರಾ ತ್ಯಾಜ್ಯಾನೃತೋ ವಾ ಸಾ ಕಾಪಿ ಮುದ್ರಾ || 15 ||
ತ್ಯಕ್ತ್ವಾನ್ಯಮಾರಾತ್ಸರ್ವಂ
ತ್ವಗಣ್ಯಂ ಮಾರ್ಗಂ ಶ್ರಯೇದ್ರಾಗಾರ್ಷಂ ಶರಣ್ಯಮ್ |
ಸ್ಯಾದ್ವಿಶ್ವದಾಹೋ
ಯಾತು ತ್ವಪಾರಃ ಪ್ರಾಗ್ವೈಭವಾನಾಮಾಯಾತು ಪೂರಃ || 16 ||
ಏತನ್ಮದೀಯಂ
ಗೀತಂ ಸಮಂತಾಚ್ಛೀಘ್ರಂ ಸುಜಾಗ್ರದ್ಬೋಧಪ್ರದಂ ಸ್ಯಾತ್ || ಇತಿ
||
poornapathi@gmail.com
