Saptashati paatha vidhanam

ಅಥ ದೇವೀಮಾಹಾತ್ಮ್ಯಜಪವಿಧಾನಮ್|| (ಚಂಡಿಕೋಪಾಸ್ತಿದೀಪಿಕೋಕ್ತರೀತ್ಯಾ)

ಸಾಧಕಃ ಪೂರ್ವೋತ್ತರಾನ್ಯತರದಿಙ್ಮುಖ ಉಪವಿಷ್ಟಃ ಸ್ಮೃತ್ಯುಕ್ತವಿಧಿನಾ ಆಚಮ್ಯ ಪ್ರಾಣಾನಾಯಮ್ಯ ದೇವೀಮಾಹಾತ್ಮ್ಯಜಪಾಂಗತ್ವೇನ ಆಸನವಿಧಿಂ ಭೂತೋತ್ಸಾರಣಂ ಚ ಕರಿಷ್ಯೇ|| ಇತಿ ಸಂಕಲ್ಪ್ಯ, ಮೂಲೇನಾಸನಂ ಪ್ರೋಕ್ಷ್ಯ,

ಆಧಾರಶಕ್ತಯೇ ನಮಃ| ಕೂರ್ಮಾಯ ನಮಃ| ಅನಂತಾಯ ನಮಃ| ಪೃಥಿವ್ಯೈ ನಮಃ| ಇತಿ ನಮಸ್ಕೃತ್ಯ, ಯಥೋಕ್ತಮಾಸನಮಾಸ್ತೀರ್ಯ, ಮೂಲೇನ ಪ್ರೋಕ್ಷ್ಯ, ಪೃಥ್ವೀತಿ ಮಂತ್ರಸ್ಯ ಮೇರುಪೃಷ್ಠಮೃಷಿಃ| ಸುತಲಂ ಛಂದಃ| ಕೂರ್ಮೋ ದೇವತಾ| ಆಸನೋಪವೇಶನೇ ವಿನಿಯೋಗಃ|| ಪೃಥ್ವಿ ತ್ವಯಾ ಧೃತಾ ಲೋಕಾ ದೇವಿ ತ್ವಂ ವಿಷ್ಣುನಾ ಧೃತಾ|

ತ್ವಂ ಚ ಧಾರಯ ಮಾಂ ದೇವೀ ಪವಿತ್ರಂ ಕುರು ಚಾಸನಮ್|| ಇತ್ಯುಪವಿಶೇತ್|

ವಾಮದೇವ ಋಷಿಃ| ಅನುಷ್ಟುಪ್ ಛಂದಃ| ಶ್ರೀಸದಾಶಿವೋ ದೇವತಾ| ಭೂತೋತ್ಸಾರಣೇ ವಿನಿಯೋಗಃ||

ಅಪಸರ್ಪಂತು ತೇ ಭೂತಾ ಯೇ ಭೂತಾ ಭೂಮಿಸಂಸ್ಥಿತಾಃ| ಯೇ ಭೂತಾ ವಿಘ್ನಕರ್ತಾರಸ್ತೇ ಗಚ್ಛಂತು ಶಿವಾಜ್ಞಯಾ||

ಅಪಕ್ರಾಮಂತು ಭೂತಾನಿ ಪಿಶಾಚಾಸ್ಸರ್ವತೋ ದಿಶಃ| ಸರ್ವೇಷಾಮವಿರೋಧೇನ ಜಪಕರ್ಮ ಸಮಾರಭೇ|| ಇತಿ ಪಠನ್ನಾತ್ಮಾನಂ ಶಂಕರಂ ಧ್ಯಾತ್ವಾ ಕ್ರೂರದೃಷ್ಟ್ಯಾ ದಿವ್ಯಾನ್, ಉಪರ್ಯುಪರಿ ತಾಲತ್ರಯೇಣಾಂತರಿಕ್ಷಾನ್, ವಾಮಪಾದಪಾರ್ಷ್ಣಿಘಾತೇನ ಭೌಮಾಂಶ್ಚ ಭೂತಾನುತ್ಸಾರ್ಯ, ಓಂ ನಮಃ ಸುದರ್ಶನಾಯಾಸ್ತ್ರಾಯಫಟ್| ಇತಿ ಸುದರ್ಶನಮಂತ್ರೇಣಾತ್ಮನಸ್ಸಮಂತಾತ್ ಪ್ರದಕ್ಷಿಣಂ ತರ್ಜನ್ಯಂಗುಷ್ಠಶಬ್ದೈರ್ದಿಗ್ಬಂಧನಂ ಕೃತ್ವಾ,

ಓಂ ಐಂ ಆತ್ಮತತ್ವಾಯ ನಮಃ| ಓಂ ಹ್ರೀಂ ವಿದ್ಯಾತತ್ವಾಯ ನಮಃ| ಓಂ ಕ್ಲೀಂ ಶಿವತತ್ವಾಯ ನಮಃ| ಇತಿ ತ್ರಿರಪಃ ಪೀತ್ವಾ ದಕ್ಷಿಣಕರ್ಣಂ ಸ್ಪೃಶೇತ್| ಏವಂ ದ್ವಿರಾಚಮ್ಯ, ಚಂಡಿಕಾನವಾರ್ಣಮಂತ್ರಸ್ಯ ಬ್ರಹ್ಮವಿಷ್ಣುಮಹೇಶ್ವರಾ ಋಷಯಃ| ಗಾಯತ್ರ್ಯುಷ್ಣಿಗನುಷ್ಟುಭಶ್ಚ್ಛಂದಾಂಸಿ| ಶ್ರೀಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತ್ಯೋ ದೇವತಾಃ| ಪ್ರಾಣಾಯಾಮೇ ವಿನಿಯೋಗಃ|| ಇತಿ ಸ್ಮೃತ್ವಾ, ಪ್ರಾಣಾಯಾಮತ್ರಯಂ ಕೃತ್ವಾ,

ಗಣಪತಯೇ ನಮಃ| ದುರ್ಗಾಯೈ ನಮಃ| ಕ್ಷೇತ್ರಪಾಲಾಯ ನಮಃ| ವಾಸ್ತೋಷ್ಪತಯೇ ನಮಃ| ಗುರುಭ್ಯೋ ನಮಃ| ಪರಮಗುರುಭ್ಯೋ ನಮಃ| ಪರಮೇಷ್ಠಿಗುರುಭ್ಯೋ ನಮಃ| ಪರಾತ್ಪರಗುರುಭ್ಯೋ ನಮಃ| ಶ್ರೀಚಂಡಿಕಾಯೈ ನಮಃ|| ಇತಿ ನಮಸ್ಕೃತ್ಯ, ದೇಶಕಾಲೌ ಸಂಕೀರ್ತ್ಯ, ಮಮ(ಯಜಮಾನಸ್ಯ) ಶ್ರೀಮದಾದಿಶಕ್ತಿಮಹಾಲಕ್ಷ್ಮೀಪ್ರಸಾದೇನ ಸಕಲಾಪನ್ನಿವೃತ್ತಿಪೂರ್ವಕಸರ್ವಾಭೀಷ್ಟಸಿದ್ಧ್ಯರ್ಥಂ ಆದೌ ಪೂರ್ವಾಂಗತ್ವೇನ ಕವಚಾರ್ಗಲಕೀಲಕಾನಾಂ ತತಃ ಸಂಪುಟೀಕರಣಪೂರ್ವಾಂಶತ್ವೇನ ರಾತ್ರಿಸೂಕ್ತನವಾರ್ಣಯೋಃ ಅಂತೇ ಚ ಸಂಪುಟೀಕರಣೋತ್ತರಾಂಶತ್ವೇನ ನವಾರ್ಣದೇವೀಸೂಕ್ತಯೋಃ ತತ ಉತ್ತರಾಂಗತ್ವೇನ ಪ್ರಾಧಾನಿಕವೈಕೃತಮೌರ್ತರಹಸ್ಯಾನಾಂ ಜಪೇನ ಸಹಿತಂ [ಅಂತರ್ಗತಮಂತ್ರಸಪ್ತಶತ್ಯಾಂ ಪ್ರತಿಮಂತ್ರಂ ಅಮುಕಮಂತ್ರೇಣ ಪಲ್ಲವಿತಂ/ಸಂಪುಟಿತಂ ಅಥವಾ ಅಮುಕಕರ್ಮಾಂತರ್ಗತಂ] ದೇವೀಮಾಹಾತ್ಮ್ಯಸ್ಯೈಕಂ* ಪಾಠಂ ಕರಿಷ್ಯೇ(ಕರಿಷ್ಯಾಮಿ)|| ತದಂಗತ್ವೇನ (ನಿರ್ವಿಘ್ನತಾ ಸಿದ್ಧ್ಯರ್ಥಂ ಗಣಪತಿ ಪ್ರಾರ್ಥನಂ) ಕರ್ಮಸಾಕ್ಷಿತ್ವಾರ್ಥಂ ದೀಪಸ್ಥಾಪನಂ, ಪುಸ್ತಕಪೂಜನಂ ಚ ಕರಿಷ್ಯೇ||

(ಗಣಪತಿಂ ಸಂಪ್ರಾರ್ಥ್ಯ) ಭೂಮೌ ಜಲೇನ ತ್ರಿಕೋಣಮಂಡಲಂ ಕೃತ್ವಾ, ಗಂಧಾದಿನಾ ಸಂಪೂಜ್ಯ, ತತ್ರ ವರ್ತಿದ್ವಯಸಹಿತಂ ಸಸ್ನೇಹಮುನ್ನತಂ ದೀಪಾಯತನಂ ಸಂಸ್ಥಾಪ್ಯ ಓಂ ಉದ್ದೀಪ್ಯಸ್ವ ಜಾತವೇದೋಪಘ್ನನ್ನಿರೃತಿಂ ಮಮ| ಪಶೂಂಂಶ್ಚ ಮಹ್ಯಮಾವಹ ಜೀವನಂ ಚ ದಿಶೋದಶ|| ಇತಿ ದೀಪಂ ಪ್ರಜ್ವಾಲ್ಯ, ದೀಪದೇವತಾಯೈ ನಮಃ| ಇತಿ ಸಂಪೂಜ್ಯ,

ಭೋ ದೀಪ! ದೇವತಾರೂಪ ಕರ್ಮಸಾಕ್ಷಿನ್ನವಿಘ್ನಕೃತ್|

ಯಾವತ್ಕರ್ಮಾನುತಿಷ್ಠಾಮಿ ತಾವತ್ತ್ವಂ ಸುಸ್ಥಿರೋ ಭವ|| ಇತಿ ಪ್ರಾರ್ಥಯೇತ್||

ತತಸ್ಸಪ್ತಶತ್ಯಾ ಮುಖತಃ ಪಾಠಾಭಾವೇನ ಪುಸ್ತಕೋಪರಿ ವಾಚನಪ್ರಸಂಗೇ ಪುಸ್ತಕಪೂಜನಂ ಕುರ್ಯಾತ್| ಪಂಚಾಶದ್ವರ್ಣಭೇದೈರ್ವಿಹಿತವದನದೋಃ ಪಾದಹೃತ್ಕುಕ್ಷಿವಕ್ಷೋದೇಶಾಂ ಭಾಸ್ವತ್ಕಪರ್ದಾಕಲಿತಶಶಿಕಲಾಮಿಂದುಕುಂದಾವದಾತಾಮ್| ಅಕ್ಷಸ್ರಕ್ಪುಸ್ತಹಸ್ತಾಮಭಯವರಕರಾಂ ತ್ರೀಕ್ಷಣಾಮಬ್ಜಸಂಸ್ಥಾಮಚ್ಛಾಕಲ್ಪಾಮತುಚ್ಛಸ್ತನಜಘನಭರಾಂ ಭಾರತೀಂ ತಾಂ ನಮಾಮಿ|| ಇತಿ ಪುಸ್ತಕಂ ಸರಸ್ವತೀರೂಪಂ ಧ್ಯಾತ್ವಾ, ಓಂ ಐಂ ಮಾತೃಕಾಸರಸ್ವತ್ಯೈ ನಮಃ| ಇತಿ ಗಂಧಾದಿಭಿರಭ್ಯರ್ಚ್ಯ, ಓಂ ಪ್ರಣೋದೇವೀ ಸರಸ್ವತೀವಾಜೇಭಿರ್ವಾಜಿನೀವತೀ| ಧೀನಾಮವಿತ್ರ್ಯವತು|| ಇತ್ಯುಪಸ್ಥಾಯ,

ಯಾ ದೇವೀ ಸ್ತೂಯತೇ ನಿತ್ಯಂ ವಿಬುಧೈರ್ವೇದಪಾರಗೈಃ|

ಸಾ ಮೇ ವಸತು ಜಿಹ್ವಾಗ್ರೇ ಮಾತೃಕಾಖ್ಯಾ ಸರಸ್ವತೀ|| ಇತಿ ಪ್ರಾರ್ಥಯೇತ್|

ನಾರಾಯಣಾಯ ನಮಃ| ನರೋತ್ತಮಾಯ ನರಾಯ ನಮಃ| ದೇವ್ಯೈ ಸರಸ್ವತ್ಯೈ ನಮಃ| ಇತಿ ನಮಸ್ಕೃತ್ಯ, ಜಪೇತ್| {ನಾತ್ಯುಚ್ಚೈರ್ನಾತಿನೀಚೈಸ್ಸ್ಪಷ್ಟಪದಾಕ್ಷರಂ ಸಾರ್ಥಾನುಸಂಧಾನಂ ಸಾಂಗೋಪಾಂಗಂ ದೇವೀಮಾಹಾತ್ಮ್ಯಂ ಕ್ರಮೇಣ ಪಠೇತ್| ಪ್ರತಿಸ್ತೋತ್ರಮಾದ್ಯಂತಯೋಃ ಪ್ರಣವಂ ಜಪೇತ್| ಅಧ್ಯಾಯಮಧ್ಯೇ ನ ವಿರಮೇತ್| ವಿರಾಮೇ ತಮಧ್ಯಾಯಮಾದಿತಃ ಪಠೇತ್| ಕ್ಷುತನಿದ್ರಾಜೃಂಭಾಧಃಪವನಾದಾವಾಚಾಮೇತ್ತದಸಂಭವೇ ದಕ್ಷಿಣಕರ್ಣಂ ಸ್ಪೃಶೇತ್| ಮಧ್ಯೇ ಉತ್ಥಾನೇ ಷಡಂಗಂ ಕುರ್ಯಾತ್||} ಇತಿ||

೧) ಅಥ ದೇವೀಕವಚಮ್| ದೇವೀಕವಚಸ್ಯ ಬ್ರಹ್ಮಾಋಷಿಃ| ಅನುಷ್ಟುಪ್ ಛಂದಃ| ಆದಿಶಕ್ತಿರ್ಮಹಾಲಕ್ಷ್ಮೀರ್ದೇವತಾ| ಶರೀರರಕ್ಷಣಾರ್ಥೇ ದೇವೀಮಾಹಾತ್ಮ್ಯಪೂರ್ವಾಂಗತ್ವೇನ ಜಪೇ ವಿನಿಯೋಗಃ|| ಇತಿ ಸ್ಮೃತ್ವಾ ಕವಚಂ ಪಠೇತ್|

೨) ಅಥಾರ್ಗಲಾಸ್ತೋತ್ರಮ್| ಅರ್ಗಲಾಸ್ತೋತ್ರಸ್ಯ ವಿಷ್ಣುರೃಷಿಃ| ಅನುಷ್ಟುಪ್ ಛಂದಃ| ಆದಿಶಕ್ತಿರ್ಮಹಾಲಕ್ಷ್ಮೀರ್ದೇವತಾ| ದೇವೀಮಾಹಾತ್ಮ್ಯಪೂರ್ವಾಂಗತ್ವೇನ ಜಪೇ ವಿನಿಯೋಗಃ|| ಇತಿ ಸ್ಮೃತ್ವಾ ಅರ್ಗಲಂ ಪಠೇತ್|

೩) ಅಥ ಕೀಲಕಮ್| ಕೀಲಕಸ್ತೋತ್ರಸ್ಯ ಶಿವಋಷಿಃ|| ಅನುಷ್ಟುಪ್ ಛಂದಃ| ಆದಿಶಕ್ತಿರ್ಮಹಾಲಕ್ಷ್ಮೀರ್ದೇವತಾ| ದೇವೀಮಾಹಾತ್ಮ್ಯಪೂರ್ವಾಂಗತ್ವೇನ ಜಪೇ ವಿನಿಯೋಗಃ|| ಇತಿ ಸ್ಮೃತ್ವಾ ಕೀಲಕಂ ಪಠೇತ್|

೪) ಅಥ ರಾತ್ರಿಸೂಕ್ತಮ್| ರಾತ್ರಿಸೂಕ್ತಸ್ಯ ಸೌರಭಃ ಕುಶಿಕ ಋಷಿಃ| ಗಾಯತ್ರೀ ಛಂದಃ| ರಾತ್ರಿರೂಪಾ ಆದಿಶಕ್ತಿರ್ಮಹಾಲಕ್ಷ್ಮೀರ್ದೇವತಾ| ದೇವೀಮಾಹಾತ್ಮ್ಯಸಂಪುಟೀಕರಣಪೂರ್ವಾಂಶತ್ವೇನ ಜಪೇ ವಿನಿಯೋಗಃ|| ಇತಿ ಸ್ಮೃತ್ವಾ ತತ್ಸೂಕ್ತಂ ಪಠೇತ್|

೫) ಅಥ ನವಾರ್ಣಮಂತ್ರಃ| {ನವಾರ್ಣಮಂತ್ರಸ್ಯ ಬ್ರಹ್ಮವಿಷ್ಣುಮಹೇಶ್ವರಾ ಋಷಯಃ| ಗಾಯತ್ರ್ಯುಷ್ಣಿಗನುಷ್ಟುಭಶ್ಛಂದಾಂಸಿ| ಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತ್ಯೋ ದೇವತಾಃ| ನಂದಾಶಾಕಂಭರೀಭೀಮಾಶ್ಶಕ್ತಯಃ| ರಕ್ತದಂತಿಕಾದುರ್ಗಾಭ್ರಾಮರ್ಯೋ ಬೀಜಾನಿ| ಅಗ್ನಿವಾಯುಸೂರ್ಯಾಸ್ತತ್ವಾನಿ| ವೇದತ್ರಯಪಾಠಫಲಾವಾಪ್ತಿಪೂರ್ವಕಸರ್ವೇಷ್ಟಸಿದ್ಧ್ಯರ್ಥೇ ದೇವೀಮಾಹಾತ್ಮ್ಯಸಂಪುಟೀಕರಣಪೂರ್ವಾಂಶತ್ವೇನ ಜಪೇ ವಿನಿಯೋಗಃ||}

ಅಥ ಋಷ್ಯಾದಿನ್ಯಾಸಃ| ಬ್ರಹ್ಮವಿಷ್ಣುಮಹೇಶ್ವರೇಭ್ಯ ಋಷಿಭ್ಯೋ ನಮಃ| ಗಾಯತ್ರ್ಯುಷ್ಣಿಗನುಷ್ಟುಭ್ಯಶ್ಛಂದೋಭ್ಯೋ ನಮಃ| ಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತೀಭ್ಯೋ ದೇವತಾಭ್ಯೋ ನಮಃ| ನಂದಾಶಾಕಂಭರೀಭೀಮಾಭ್ಯಶ್ಶಕ್ತಿಭ್ಯೋ ನಮಃ| ರಕ್ತದಂತಿಕಾದುರ್ಗಾಭ್ರಾಮರೀಭ್ಯೋ ಬೀಜೇಭ್ಯೋ ನಮಃ| ಅಗ್ನಿವಾಯುಸೂರ್ಯೇಭ್ಯಸ್ತತ್ತ್ವೇಭ್ಯೋ ನಮಃ| ವೇದತ್ರಯಪಾಠಫಲಾವಾಪ್ತಿಪೂರ್ವಕಸರ್ವೇಷ್ಟಸಿದ್ಧ್ಯರ್ಥೇ ದೇವೀಮಾಹಾತ್ಮ್ಯಸಂಪುಟೀಕರಣಪೂರ್ವಾಂಶತ್ವೇನ ಜಪೇ ವಿನಿಯೋಗಾಯ ನಮಃ|| ಇತಿ||

ಅಥ ಕರನ್ಯಾಸಃ| ಓಂ ಐಂ ಅಂಗುಷ್ಠಾಭ್ಯಾಂ ನಮಃ| ಓಂ ಹ್ರೀಂ ತರ್ಜನೀಭ್ಯಾಂ ನಮಃ| ಓಂ ಕ್ಲೀಂ ಮಧ್ಯಮಾಭ್ಯಾಂ ನಮಃ| ಓಂ ಚಾಮುಂಡಾಯೈ ಅನಾಮಿಕಾಭ್ಯಾಂ ನಮಃ| ಓಂ ವಿಚ್ಚೇ ಕನಿಷ್ಠಿಕಾಭ್ಯಾಂ ನಮಃ| ಓಂ ಐಂ ಹ್ರೀಂ ಕ್ಲೀಂ ಚಾಮುಂಡಾಯೈ ವಿಚ್ಚೇ ಕರತಲಕರಪೃಷ್ಠಾಭ್ಯಾಂ ನಮಃ|| ಇತಿ||

ಅಥ ಹೃದಯಾದಿನ್ಯಾಸಃ| ಓಂ ಐಂ ಹೃದಯಾಯ ನಮಃ| ಓಂ ಹ್ರೀಂ ಶಿರಸೇ ಸ್ವಾಹಾ| ಓಂ ಕ್ಲೀಂ ಶಿಖಾಯೈ ವಷಟ್| ಓಂ ಚಾಮುಂಡಾಯೈ ಕವಚಾಯ ಹುಮ್| ಓಂ ವಿಚ್ಚೇ ನೇತ್ರತ್ರಯಾಯ ವೌಷಟ್| ಓಂ ಐಂ ಹ್ರೀಂ ಕ್ಲೀಂ ಚಾಮುಂಡಾಯೈ ವಿಚ್ಚೇ ಅಸ್ತ್ರಾಯ ಫಟ್|| ಇತಿ||

ಅಥಾಕ್ಷರನ್ಯಾಸಃ|ಓಂ ಐಂ ನಮಃ ಶಿಖಾಯಾಮ್| ಓಂ ಹ್ರೀಂ ನಮಃ ದಕ್ಷಿಣನೇತ್ರೇ| ಓಂ ಕ್ಲೀಂ ನಮಃ ವಾಮನೇತ್ರೇ| ಓಂ ಚಾಂ ನಮಃ ದಕ್ಷಿಣಕರ್ಣೇ| ಓಂ ಮುಂ ನಮಃ ವಾಮಕರ್ಣೇ| ಓಂ ಡಾಂ ನಮಃ ದಕ್ಷನಾಸಾಪುಟೇ| ಓಂ ಯೈಂ ನಮಃ ವಾಮನಾಸಾಪುಟೇ| ಓಂ ವಿಂ ನಮಃ ಮುಖೇ| ಓಂ ಚ್ಚೇಂ ನಮಃ ಗುದೇ|| ಇತಿ||

ಅಥ ಧ್ಯಾನಾನಿ|

ಖಡ್ಗಂ ಚಕ್ರಗದೇಷುಚಾಪಪರಿಘಾಞ್ ಶೂಲಂ ಭುಶುಂಡೀಂ ಶಿರಃ, ಶಂಖಂ ಸಂದಧತೀಂ ಕರೈಸ್ತ್ರಿನಯನಾಂ ಸರ್ವಾಂಗಭೂಷಾವೃತಾಮ್|| ನೀಲಾಶ್ಮದ್ಯುತಿಮಾಸ್ಯಪಾದದಶಕಾಂ ಸೇವೇ ಮಹಾಕಾಲಿಕಾಮ್, ಯಾಮಸ್ತೌಚ್ಛಯಿತೇ ಹರೌ ಕಮಲಜೋ ಹಂತುಂ ಮಧುಂ ಕೈಟಭಮ್|| ೧ ||

ಅಕ್ಷಸ್ರಕ್ಪರಶೂ ಗದೇಷು ಕುಲಿಶಂ ಪದ್ಮಂ ಧನುಃ ಕುಂಡಿಕಾಮ್, ದಂಡಂ ಶಕ್ತಿಮಸಿಂ ಚ ಚರ್ಮ ಜಲಜಂ ಘಂಟಾಂ ಸುರಾಭಾಜನಮ್|| ಶೂಲಂ ಪಾಶಸುದರ್ಶನೇ ಚ ದಧತೀಂ ಹಸ್ತೈಃ ಪ್ರವಾಲಪ್ರಭಾಮ್, ಸೇವೇ ಸೈರಿಭಮರ್ದಿನೀಮಿಹ ಮಹಾಲಕ್ಷ್ಮೀಂ ಸುರೌಜೋ ಭವಾಮ್|| ೨ ||

ಘಂಟಾಶೂಲಹಲಾನಿ ಶಂಖಮುಸಲೇ ಚಕ್ರಂ ಧನುಸ್ಸಾಯಕಮ್, ಹಸ್ತಾಬ್ಜೈರ್ದಧತೀಂ ಘನಾಂತವಿಲಸಚ್ಛೀತಾಂಶುತುಲ್ಯಪ್ರಭಾಮ್|| ಗೌರೀದೇಹಸಮುದ್ಭವಾಂ ತ್ರಿಜಗತಾಮಾಧಾರಭೂತಾಂ ಮಹಾ, ಪೂರ್ವಾಮತ್ರ ಸರಸ್ವತೀಮನುಭಜೇ ಶುಂಭಾದಿದೈತ್ಯಾರ್ದಿನೀಮ್|| ೩ || ಇತಿ||

ಅಥ ಮಾನಸಪೂಜಾ| ಶ್ರೀಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತೀಭ್ಯೋ ನಮಃ| ಲಂ ಪೃಥಿವ್ಯಾತ್ಮಕಾನ್ ಗಂಧಾನ್ ಕಲ್ಪಯಾಮಿ| ಹಂ ಆಕಾಶಾತ್ಮಕಾನಿ ಪುಷ್ಪಾಣಿ ಕಲ್ಪಯಾಮಿ| ಯಂ ವಾಯ್ವಾತ್ಮಕಂ ಧೂಪಂ ಕಲ್ಪಯಾಮಿ| ರಂ ಅಗ್ನ್ಯಾತ್ಮಕಂ ದೀಪಂ ಕಲ್ಪಯಾಮಿ| ವಂ ಅಮೃತಾತ್ಮಕಂ ನೈವೇದ್ಯಂ ಕಲ್ಪಯಾಮಿ|| ಇತಿ||

ಅಥ ಜಪವಿಧಾನಮ್| ಓಂ ಹ್ರೀಂ ಸಿದ್ಧ್ಯೈ ನಮಃ| ಇತಿ ಮಂತ್ರೇಣ ಮಾಲಾಮಭ್ಯರ್ಚ್ಯ,

ಓಂ ಮಹಾಮಾಲೇ ಮಹಾಮಾಯೇ ಚತುರ್ವರ್ಗಸ್ವರೂಪಿಣಿ|

ಚತುರ್ವರ್ಗಸ್ತ್ವಯಿನ್ಯಸ್ತಸ್ತಸ್ಮಾನ್ಮೇ ಸಿದ್ಧಿದಾ ಭವ|| ಇತಿ ಮಾಲಾಂ ಗೃಹೀತ್ವಾ ಅಷ್ಟೋತ್ತರಶತಂ ನವಾರ್ಣಮಂತ್ರಂ ಜಪೇತ್|| ಜಪಾಂತೇ ಪ್ರಣವಮುಕ್ತ್ವಾ,

ತ್ವಂ ಮಾಲೇ ಸರ್ವದೇವಾನಾಂ ಪ್ರೀತಿದಾ ಶುಭದಾ ಯತಃ|

ಶಿವಂ ಕುರುಷ್ವ ಮೇ ಭದ್ರೇ ಯಶೋ ವೀರ್ಯಂ ಚ ದೇಹಿ ಮೇ|| ಇತಿ ಮಾಲಾಂ ಶಿರಸಿ ಧೃತ್ವಾ ತತೋ ಯಥಾಸ್ಥಾನಂ ಸ್ಥಾಪಯೇದುತ್ತರಷಡಂಗನ್ಯಾಸಂ ಚ ಕುರ್ಯಾತ್|| ಇತಿ|| [ಅತ್ರ ಕೇಚನ ಶ್ರೀಮಹಾಲಕ್ಷ್ಮೀಂ ಮೂಲಮಂತ್ರೇಣ ನಮೋ ದೇವ್ಯೈ ಇತಿ ಮಂತ್ರೇಣ ವಾ ದುಗ್ಧೇನ ಜಲೇನಾಪಿ ತರ್ಪಯಂತಿ]

೬) ಅಥ ದೇವೀಮಾಹಾತ್ಮ್ಯಮ್| {ದೇವೀಮಾಹಾತ್ಮ್ಯಸ್ಯ ಪ್ರಥಮಮಧ್ಯಮೋತ್ತಮಚರಿತಾನಾಂ ಕ್ರಮೇಣ ಬ್ರಹ್ಮವಿಷ್ಣುರುದ್ರಾ ಋಷಯಃ| ಗಾಯತ್ರೀಪಂಕ್ತ್ಯನುಷ್ಟುಭಶ್ಛಂದಾಂಸಿ| ಶ್ರೀಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತ್ಯೋ ದೇವತಾಃ| ನಂದಾಶಾಕಂಭರೀಭೀಮಾಶ್ಶಕ್ತಯಃ| ರಕ್ತದಂತಿಕಾದುರ್ಗಾಭ್ರಾಮರ್ಯೋ ಬೀಜಾನಿ| ಅಗ್ನಿವಾಯುಸೂರ್ಯಾಸ್ತತ್ವಾನಿ| ಧರ್ಮಾರ್ಥಕಾಮಮೋಕ್ಷಾರ್ಥೇ ಜಪೇ ವಿನಿಯೋಗಃ||}

ಅಥ ಋಷ್ಯಾದಿನ್ಯಾಸಃ| ಬ್ರಹ್ಮವಿಷ್ಣುರುದ್ರೇಭ್ಯ ಋಷಿಭ್ಯೋ ನಮಃ| ಗಾಯತ್ರೀಪಂಕ್ತ್ಯನುಷ್ಟುಭ್ಯಶ್ಛಂದೋಭ್ಯೋ ನಮಃ| ಶ್ರೀಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತೀಭ್ಯೋ ದೇವತಾಭ್ಯೋ ನಮಃ| ನಂದಾಶಾಕಂಭರೀಭೀಮಾಭ್ಯಶ್ಶಕ್ತಿಭ್ಯೋ ನಮಃ| ರಕ್ತದಂತಿಕಾದುರ್ಗಾಭ್ರಾಮರೀಭ್ಯೋ ಬೀಜೇಭ್ಯೋ ನಮಃ| ಅಗ್ನಿವಾಯುಸೂರ್ಯೇಭ್ಯಸ್ತತ್ತ್ವೇಭ್ಯೋ ನಮಃ| ಧರ್ಮಾರ್ಥಕಾಮಮೋಕ್ಷಾರ್ಥೇ ಜಪೇ ವಿನಿಯೋಗಾಯ ನಮಃ|| ಇತಿ||

ಅಥ ಚಂಡಿಕಾಪಂಚಾಕ್ಷರಮಂತ್ರನ್ಯಾಸಃ| ಓಂ ಹ್ರೀಂ ಅಂಗುಷ್ಠಾಭ್ಯಾಂ ನಮಃ/ಹೃದಯಾಯ ನಮಃ| ಓಂ ಚಂ ತರ್ಜನೀಭ್ಯಾಂ ನಮಃ/ಶಿರಸೇ ಸ್ವಾಹಾ| ಓಂ ಡಿಂ ಮಧ್ಯಮಾಭ್ಯಾಂ ನಮಃ/ಶಿಖಾಯೈ ವಷಟ್| ಓಂ ಕಾಂ ಅನಾಮಿಕಾಭ್ಯಾಂ ನಮಃ/ಕವಚಾಯ ಹುಮ್| ಓಂ ಯೈಂ ಕನಿಷ್ಠಿಕಾಭ್ಯಾಂ ನಮಃ/ನೇತ್ರತ್ರಯಾಯ ವೌಷಟ್| ಓಂ ಹ್ರೀಂ ಚಂಡಿಕಾಯೈ ಕರತಲಕರಪೃಷ್ಠಾಭ್ಯಾಂ ನಮಃ/ಅಸ್ತ್ರಾಯ ಫಟ್|| ಇತಿ||

[ನವಾರ್ಣಕಲ್ಪೋಕ್ತಾ ಏಕಾದಶನ್ಯಾಸಾ ಅತ್ರೈವಾವಧಾರ್ಯಾಃ]

ಅಥ ಸಪ್ತಶತೀಶ್ಲೋಕನ್ಯಾಸಃ|

 ಓಂ ಖಡ್ಗಿನೀ ಶೂಲಿನೀ ಘೋರಾ ಗದಿನೀ ಚಕ್ರಿಣೀ ತಥಾ|

ಶಂಖಿನೀ ಚಾಪಿನೀ ಬಾಣಭುಶುಂಡೀಪರಿಘಾಯುಧಾ|| ಅಂಗುಷ್ಠಾಭ್ಯಾಂ ನಮಃ/ಹೃದಯಾಯ ನಮಃ|| ೧ ||

ಓಂ ಶೂಲೇನ ಪಾಹಿ ನೋ ದೇವಿ ಪಾಹಿ ಖಡ್ಗೇನ ಚಾಂಬಿಕೇ| ಘಂಟಾಸ್ವನೇನ ನಃ ಪಾಹಿ ಚಾಪಜ್ಯಾನಿಸ್ಸ್ವನೇನ ಚ||

ಪ್ರಾಚ್ಯಾಂ ರಕ್ಷ ಪ್ರತೀಚ್ಯಾಂ ಚ ಚಂಡಿಕೇ ರಕ್ಷ ದಕ್ಷಿಣೇ| ಭ್ರಾಮಣೇನಾತ್ಮಶೂಲಸ್ಯ ಉತ್ತರಸ್ಯಾಂ ತಥೇಶ್ವರಿ||

ಸೌಮ್ಯಾನಿ ಯಾನಿ ರೂಪಾಣಿ ತ್ರೈಲೋಕ್ಯೇ ವಿಚರಂತಿ ತೇ| ಯಾನಿ ಚಾತ್ಯಂತಘೋರಾಣಿ ತೈ ರಕ್ಷಾಸ್ಮಾಂಸ್ತಥಾ ಭುವಮ್|| ಖಡ್ಗಶೂಲಗದಾದೀನಿ ಯಾನಿ ಚಾಸ್ತ್ರಾಣಿ ತೇಂಬಿಕೇ| ಕರಪಲ್ಲವಸಂಗೀನಿ ತೈರಸ್ಮಾನ್ನ್ರಕ್ಷ ಸರ್ವತಃ|| ತರ್ಜನೀಭ್ಯಾಂ ನಮಃ/ಶಿರಸೇ ಸ್ವಾಹಾ|| ೨ ||

ಓಂ ಸರ್ವಸ್ವರೂಪೇ ಸರ್ವೇಶೇ ಸರ್ವಶಕ್ತಿಸಮನ್ವಿತೇ| ಭಯೇಭ್ಯಸ್ತ್ರಾಹಿ ನೋ ದೇವಿ ದುರ್ಗೇ ದೇವಿ ನಮೋಸ್ತುತೇ||

ಏತತ್ತೇ ವದನಂ ಸೌಮ್ಯಂ ಲೋಚನತ್ರಯಭೂಷಿತಮ್| ಪಾತು ನಸ್ಸರ್ವಭೂತೇಭ್ಯಃ ಕಾತ್ಯಾಯನಿ ನಮೋಸ್ತುತೇ|| ಜ್ವಾಲಾಕರಾಲಮತ್ಯುಗ್ರಮಶೇಷಾಸುರಸೂದನಮ್| ತ್ರಿಶೂಲಂ ಪಾತು ನೋ ಭೀತೇರ್ಭದ್ರಕಾಲಿ ನಮೋಸ್ತುತೇ||

ಹಿನಸ್ತಿ ದೈತ್ಯತೇಜಾಂಸಿ ಸ್ವನೇನಾಪೂರ್ಯ ಯಾ ಜಗತ್| ಸಾ ಘಂಟಾ ಪಾತು ನೋ ದೇವಿ ಪಾಪೇಭ್ಯೋನಸ್ಸುತಾನಿವ|| ಅಸುರಾಸೃಗ್ವಸಾಪಂಕಚರ್ಚಿತಸ್ತೇ ಕರೋಜ್ವಲಃ| ಶುಭಾಯ ಖಡ್ಗೋ ಭವತು ಚಂಡಿಕೇ ತ್ವಾಂ ನತಾ ವಯಮ್|| ಮಧ್ಯಮಾಭ್ಯಾಂ ನಮಃ/ಶಿಖಾಯೈ ವಷಟ್|| ೩ ||

ಓಂ ಖಡ್ಗಿನೀ ಶೂಲಿನೀ ಘೋರಾ ಗದಿನೀ ಚಕ್ರಿಣೀ ತಥಾ|

ಶಂಖಿನೀ ಚಾಪಿನೀ ಬಾಣಭುಶುಂಡೀಪರಿಘಾಯುಧಾ|| ಅನಾಮಿಕಾಭ್ಯಾಂ ನಮಃ/ಕವಚಾಯ ಹುಮ್|| ೪ ||

ಓಂ ಶೂಲೇನ ಪಾಹಿ ನೋ ದೇವಿ ಪಾಹಿ ಖಡ್ಗೇನ ಚಾಂಬಿಕೇ| ಘಂಟಾಸ್ವನೇನ ನಃ ಪಾಹಿ ಚಾಪಜ್ಯಾನಿಸ್ಸ್ವನೇನ ಚ||

ಪ್ರಾಚ್ಯಾಂ ರಕ್ಷ ಪ್ರತೀಚ್ಯಾಂ ಚ ಚಂಡಿಕೇ ರಕ್ಷ ದಕ್ಷಿಣೇ| ಭ್ರಾಮಣೇನಾತ್ಮಶೂಲಸ್ಯ ಉತ್ತರಸ್ಯಾಂ ತಥೇಶ್ವರಿ||

ಸೌಮ್ಯಾನಿ ಯಾನಿ ರೂಪಾಣಿ ತ್ರೈಲೋಕ್ಯೇ ವಿಚರಂತಿ ತೇ| ಯಾನಿ ಚಾತ್ಯಂತಘೋರಾಣಿ ತೈ ರಕ್ಷಾಸ್ಮಾಂಸ್ತಥಾ ಭುವಮ್|| ಖಡ್ಗಶೂಲಗದಾದೀನಿ ಯಾನಿ ಚಾಸ್ತ್ರಾಣಿ ತೇಂಬಿಕೇ| ಕರಪಲ್ಲವಸಂಗೀನಿ ತೈರಸ್ಮಾನ್ನ್ರಕ್ಷ ಸರ್ವತಃ|| ಕನಿಷ್ಠಿಕಾಭ್ಯಾಂ ನಮಃ/ನೇತ್ರತ್ರಯಾಯ ವೌಷಟ್|| ೫ ||

ಓಂ ಸರ್ವಸ್ವರೂಪೇ ಸರ್ವೇಶೇ ಸರ್ವಶಕ್ತಿಸಮನ್ವಿತೇ| ಭಯೇಭ್ಯಸ್ತ್ರಾಹಿ ನೋ ದೇವಿ ದುರ್ಗೇ ದೇವಿ ನಮೋಸ್ತುತೇ||

ಏತತ್ತೇ ವದನಂ ಸೌಮ್ಯಂ ಲೋಚನತ್ರಯಭೂಷಿತಮ್| ಪಾತು ನಸ್ಸರ್ವಭೂತೇಭ್ಯಃ ಕಾತ್ಯಾಯನಿ ನಮೋಸ್ತುತೇ|| ಜ್ವಾಲಾಕರಾಲಮತ್ಯುಗ್ರಮಶೇಷಾಸುರಸೂದನಮ್| ತ್ರಿಶೂಲಂ ಪಾತು ನೋ ಭೀತೇರ್ಭದ್ರಕಾಲಿ ನಮೋಸ್ತುತೇ||

ಹಿನಸ್ತಿ ದೈತ್ಯತೇಜಾಂಸಿ ಸ್ವನೇನಾಪೂರ್ಯ ಯಾ ಜಗತ್| ಸಾ ಘಂಟಾ ಪಾತು ನೋ ದೇವಿ ಪಾಪೇಭ್ಯೋನಸ್ಸುತಾನಿವ|| ಅಸುರಾಸೃಗ್ವಸಾಪಂಕಚರ್ಚಿತಸ್ತೇ ಕರೋಜ್ವಲಃ| ಶುಭಾಯ ಖಡ್ಗೋ ಭವತು ಚಂಡಿಕೇ ತ್ವಾಂ ನತಾ ವಯಮ್|| ಕರತಲಕರಪೃಷ್ಠಾಭ್ಯಾಂ ನಮಃ/ಅಸ್ತ್ರಾಯ ಫಟ್|| ೬ || ಇತಿ||

ಅಥ ಧ್ಯಾನಾನಿ|

ಖಡ್ಗಂ ಚಕ್ರಗದೇಷುಚಾಪಪರಿಘಾಞ್ ಶೂಲಂ ಭುಶುಂಡೀಂ ಶಿರಃ, ಶಂಖಂ ಸಂದಧತೀಂ ಕರೈಸ್ತ್ರಿನಯನಾಂ ಸರ್ವಾಂಗಭೂಷಾವೃತಾಮ್|| ನೀಲಾಶ್ಮದ್ಯುತಿಮಾಸ್ಯಪಾದದಶಕಾಂ ಸೇವೇ ಮಹಾಕಾಲಿಕಾಮ್, ಯಾಮಸ್ತೌಚ್ಛಯಿತೇ ಹರೌ ಕಮಲಜೋ ಹಂತುಂ ಮಧುಂ ಕೈಟಭಮ್|| ೧ ||

ಅಕ್ಷಸ್ರಕ್ಪರಶೂ ಗದೇಷು ಕುಲಿಶಂ ಪದ್ಮಂ ಧನುಃ ಕುಂಡಿಕಾಮ್, ದಂಡಂ ಶಕ್ತಿಮಸಿಂ ಚ ಚರ್ಮ ಜಲಜಂ ಘಂಟಾಂ ಸುರಾಭಾಜನಮ್|| ಶೂಲಂ ಪಾಶಸುದರ್ಶನೇ ಚ ದಧತೀಂ ಹಸ್ತೈಃ ಪ್ರವಾಲಪ್ರಭಾಮ್, ಸೇವೇ ಸೈರಿಭಮರ್ದಿನೀಮಿಹ ಮಹಾಲಕ್ಷ್ಮೀಂ ಸುರೌಜೋ ಭವಾಮ್|| ೨ ||

ಘಂಟಾಶೂಲಹಲಾನಿ ಶಂಖಮುಸಲೇ ಚಕ್ರಂ ಧನುಸ್ಸಾಯಕಮ್, ಹಸ್ತಾಬ್ಜೈರ್ದಧತೀಂ ಘನಾಂತವಿಲಸಚ್ಛೀತಾಂಶುತುಲ್ಯಪ್ರಭಾಮ್|| ಗೌರೀದೇಹಸಮುದ್ಭವಾಂ ತ್ರಿಜಗತಾಮಾಧಾರಭೂತಾಂ ಮಹಾ, ಪೂರ್ವಾಮತ್ರ ಸರಸ್ವತೀಮನುಭಜೇ ಶುಂಭಾದಿದೈತ್ಯಾರ್ದಿನೀಮ್|| ೩ || ಇತಿ||

ಅಥ ಮಾನಸಪೂಜಾ| ಶ್ರೀಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತೀಭ್ಯೋ ನಮಃ| ಲಂ ಪೃಥಿವ್ಯಾತ್ಮಕಾನ್ ಗಂಧಾನ್ ಕಲ್ಪಯಾಮಿ| ಹಂ ಆಕಾಶಾತ್ಮಕಾನಿ ಪುಷ್ಪಾಣಿ ಕಲ್ಪಯಾಮಿ| ಯಂ ವಾಯ್ವಾತ್ಮಕಂ ಧೂಪಂ ಕಲ್ಪಯಾಮಿ| ರಂ ಅಗ್ನ್ಯಾತ್ಮಕಂ ದೀಪಂ ಕಲ್ಪಯಾಮಿ| ವಂ ಅಮೃತಾತ್ಮಕಂ ನೈವೇದ್ಯಂ ಕಲ್ಪಯಾಮಿ|| ಇತಿ ಮಾನಸೋಪಚಾರೈಸ್ಸಂಪೂಜ್ಯ ದೇವೀಮಾಹಾತ್ಮ್ಯಂ ಪಠೇತ್|| ಇತಿ||

೭) ಅಥೋತ್ತರನ್ಯಾಸಃ| [ಓಂ ಹ್ರೀಂ ಹೃದಯಾಯ ನಮಃ| ಓಂ ಚಂ ಶಿರಸೇ ಸ್ವಾಹಾ| ಓಂ ಡಿಂ ಶಿಖಾಯೈ ವಷಟ್| ಓಂ ಕಾಂ ಕವಚಾಯ ಹುಮ್| ಓಂ ಯೈಂ ನೇತ್ರತ್ರಯಾಯ ವೌಷಟ್| ಓಂ ಹ್ರೀಂ ಚಂಡಿಕಾಯೈ ಅಸ್ತ್ರಾಯ ಫಟ್||]

ಓಂ ಖಡ್ಗಿನೀ ಶೂಲಿನೀ ಘೋರಾ ಗದಿನೀ ಚಕ್ರಿಣೀ ತಥಾ|

ಶಂಖಿನೀ ಚಾಪಿನೀ ಬಾಣಭುಶುಂಡೀಪರಿಘಾಯುಧಾ|| ಹೃದಯಾಯ ನಮಃ|| ೧ ||

ಓಂ ಶೂಲೇನ ಪಾಹಿ ನೋ ದೇವಿ ಪಾಹಿ ಖಡ್ಗೇನ ಚಾಂಬಿಕೇ| ಘಂಟಾಸ್ವನೇನ ನಃ ಪಾಹಿ ಚಾಪಜ್ಯಾನಿಸ್ಸ್ವನೇನ ಚ||

ಪ್ರಾಚ್ಯಾಂ ರಕ್ಷ ಪ್ರತೀಚ್ಯಾಂ ಚ ಚಂಡಿಕೇ ರಕ್ಷ ದಕ್ಷಿಣೇ| ಭ್ರಾಮಣೇನಾತ್ಮಶೂಲಸ್ಯ ಉತ್ತರಸ್ಯಾಂ ತಥೇಶ್ವರಿ||

ಸೌಮ್ಯಾನಿ ಯಾನಿ ರೂಪಾಣಿ ತ್ರೈಲೋಕ್ಯೇ ವಿಚರಂತಿ ತೇ| ಯಾನಿ ಚಾತ್ಯಂತಘೋರಾಣಿ ತೈ ರಕ್ಷಾಸ್ಮಾಂಸ್ತಥಾ ಭುವಮ್|| ಖಡ್ಗಶೂಲಗದಾದೀನಿ ಯಾನಿ ಚಾಸ್ತ್ರಾಣಿ ತೇಂಬಿಕೇ| ಕರಪಲ್ಲವಸಂಗೀನಿ ತೈರಸ್ಮಾನ್ನ್ರಕ್ಷ ಸರ್ವತಃ|| ಶಿರಸೇ ಸ್ವಾಹಾ|| ೨ ||

ಓಂ ಸರ್ವಸ್ವರೂಪೇ ಸರ್ವೇಶೇ ಸರ್ವಶಕ್ತಿಸಮನ್ವಿತೇ| ಭಯೇಭ್ಯಸ್ತ್ರಾಹಿ ನೋ ದೇವಿ ದುರ್ಗೇ ದೇವಿ ನಮೋಸ್ತುತೇ||

ಏತತ್ತೇ ವದನಂ ಸೌಮ್ಯಂ ಲೋಚನತ್ರಯಭೂಷಿತಮ್| ಪಾತು ನಸ್ಸರ್ವಭೂತೇಭ್ಯಃ ಕಾತ್ಯಾಯನಿ ನಮೋಸ್ತುತೇ|| ಜ್ವಾಲಾಕರಾಲಮತ್ಯುಗ್ರಮಶೇಷಾಸುರಸೂದನಮ್| ತ್ರಿಶೂಲಂ ಪಾತು ನೋ ಭೀತೇರ್ಭದ್ರಕಾಲಿ ನಮೋಸ್ತುತೇ||

ಹಿನಸ್ತಿ ದೈತ್ಯತೇಜಾಂಸಿ ಸ್ವನೇನಾಪೂರ್ಯ ಯಾ ಜಗತ್| ಸಾ ಘಂಟಾ ಪಾತು ನೋ ದೇವಿ ಪಾಪೇಭ್ಯೋನಸ್ಸುತಾನಿವ|| ಅಸುರಾಸೃಗ್ವಸಾಪಂಕಚರ್ಚಿತಸ್ತೇ ಕರೋಜ್ವಲಃ| ಶುಭಾಯ ಖಡ್ಗೋ ಭವತು ಚಂಡಿಕೇ ತ್ವಾಂ ನತಾ ವಯಮ್|| ಶಿಖಾಯೈ ವಷಟ್|| ೩ ||

ಓಂ ಖಡ್ಗಿನೀ ಶೂಲಿನೀ ಘೋರಾ ಗದಿನೀ ಚಕ್ರಿಣೀ ತಥಾ|

ಶಂಖಿನೀ ಚಾಪಿನೀ ಬಾಣಭುಶುಂಡೀಪರಿಘಾಯುಧಾ|| ಕವಚಾಯ ಹುಮ್|| ೪ ||

ಓಂ ಶೂಲೇನ ಪಾಹಿ ನೋ ದೇವಿ ಪಾಹಿ ಖಡ್ಗೇನ ಚಾಂಬಿಕೇ| ಘಂಟಾಸ್ವನೇನ ನಃ ಪಾಹಿ ಚಾಪಜ್ಯಾನಿಸ್ಸ್ವನೇನ ಚ||

ಪ್ರಾಚ್ಯಾಂ ರಕ್ಷ ಪ್ರತೀಚ್ಯಾಂ ಚ ಚಂಡಿಕೇ ರಕ್ಷ ದಕ್ಷಿಣೇ| ಭ್ರಾಮಣೇನಾತ್ಮಶೂಲಸ್ಯ ಉತ್ತರಸ್ಯಾಂ ತಥೇಶ್ವರಿ||

ಸೌಮ್ಯಾನಿ ಯಾನಿ ರೂಪಾಣಿ ತ್ರೈಲೋಕ್ಯೇ ವಿಚರಂತಿ ತೇ| ಯಾನಿ ಚಾತ್ಯಂತಘೋರಾಣಿ ತೈ ರಕ್ಷಾಸ್ಮಾಂಸ್ತಥಾ ಭುವಮ್|| ಖಡ್ಗಶೂಲಗದಾದೀನಿ ಯಾನಿ ಚಾಸ್ತ್ರಾಣಿ ತೇಂಬಿಕೇ| ಕರಪಲ್ಲವಸಂಗೀನಿ ತೈರಸ್ಮಾನ್ನ್ರಕ್ಷ ಸರ್ವತಃ|| ನೇತ್ರತ್ರಯಾಯ ವೌಷಟ್|| ೫ ||

ಓಂ ಸರ್ವಸ್ವರೂಪೇ ಸರ್ವೇಶೇ ಸರ್ವಶಕ್ತಿಸಮನ್ವಿತೇ| ಭಯೇಭ್ಯಸ್ತ್ರಾಹಿ ನೋ ದೇವಿ ದುರ್ಗೇ ದೇವಿ ನಮೋಸ್ತುತೇ||

ಏತತ್ತೇ ವದನಂ ಸೌಮ್ಯಂ ಲೋಚನತ್ರಯಭೂಷಿತಮ್| ಪಾತು ನಸ್ಸರ್ವಭೂತೇಭ್ಯಃ ಕಾತ್ಯಾಯನಿ ನಮೋಸ್ತುತೇ|| ಜ್ವಾಲಾಕರಾಲಮತ್ಯುಗ್ರಮಶೇಷಾಸುರಸೂದನಮ್| ತ್ರಿಶೂಲಂ ಪಾತು ನೋ ಭೀತೇರ್ಭದ್ರಕಾಲಿ ನಮೋಸ್ತುತೇ||

ಹಿನಸ್ತಿ ದೈತ್ಯತೇಜಾಂಸಿ ಸ್ವನೇನಾಪೂರ್ಯ ಯಾ ಜಗತ್| ಸಾ ಘಂಟಾ ಪಾತು ನೋ ದೇವಿ ಪಾಪೇಭ್ಯೋನಸ್ಸುತಾನಿವ|| ಅಸುರಾಸೃಗ್ವಸಾಪಂಕಚರ್ಚಿತಸ್ತೇ ಕರೋಜ್ವಲಃ| ಶುಭಾಯ ಖಡ್ಗೋ ಭವತು ಚಂಡಿಕೇ ತ್ವಾಂ ನತಾ ವಯಮ್|| ಅಸ್ತ್ರಾಯ ಫಟ್|| ೬ || ಇತಿ||

೮) ಪುನರ್ನವಾರ್ಣಮಂತ್ರಜಪಮ್|| {ನವಾರ್ಣಮಂತ್ರಸ್ಯ ಬ್ರಹ್ಮವಿಷ್ಣುಮಹೇಶ್ವರಾ ಋಷಯಃ| ಗಾಯತ್ರ್ಯುಷ್ಣಿಗನುಷ್ಟುಭಶ್ಛಂದಾಂಸಿ| ಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತ್ಯೋ ದೇವತಾಃ| ನಂದಾಶಾಕಂಭರೀಭೀಮಾಶ್ಶಕ್ತಯಃ| ರಕ್ತದಂತಿಕಾದುರ್ಗಾಭ್ರಾಮರ್ಯೋ ಬೀಜಾನಿ| ಅಗ್ನಿವಾಯುಸೂರ್ಯಾಸ್ತತ್ವಾನಿ| ವೇದತ್ರಯಪಾಠಫಲಾವಾಪ್ತಿಪೂರ್ವಕಸರ್ವೇಷ್ಟಸಿದ್ಧ್ಯರ್ಥೇ ದೇವೀಮಾಹಾತ್ಮ್ಯಸಂಪುಟೀಕರಣೋತ್ತರಾಂಶತ್ವೇನ ಜಪೇ ವಿನಿಯೋಗಃ||} ಇತಿ ಸರ್ವಂ ಪೂರ್ವವತ್||

೯) ಅಥ ದೇವೀಸೂಕ್ತಮ್| ದೇವೀಸೂಕ್ತಸ್ಯ ವಾಗಾಂಭೃಣೀ ಋಷಿಃ| ತ್ರಿಷ್ಟುಪ್ ಛಂದಃ| ದ್ವಿತೀಯಾ ಜಗತೀ| ಬ್ರಹ್ಮರೂಪಾ ಮಹಾಲಕ್ಷ್ಮೀರ್ದೇವತಾ| ದೇವೀಮಾಹಾತ್ಮ್ಯಸಂಪುಟೀಕರಣೋತ್ತರಾಂಗತ್ವೇನ ಜಪೇ ವಿನಿಯೋಗಃ|| ಇತ್ಯುಕ್ತ್ವಾ ಪಠೇತ್||

೧೦) ಅಥ ಪ್ರಾಧಾನಿಕಂ ರಹಸ್ಯಮ್| ಪ್ರಾಧಾನಿಕರಹಸ್ಯಸ್ಯ ಸುಮೇಧಾ ಋಷಿಃ| ಅನುಷ್ಟುಪ್ ಛಂದಃ| ಆದಿಶಕ್ತಿರ್ಮಹಾಲಕ್ಷ್ಮೀರ್ದೇವತಾ| ದೇವೀಮಾಹಾತ್ಮ್ಯೋತ್ತರಾಂಗತ್ವೇನ ಜಪೇ ವಿನಿಯೋಗಃ|| ಇತಿ ಸ್ಮೃತ್ವಾ ಜಪೇತ್||

೧೧) ಅಥ ವೈಕೃತರಹಸ್ಯಮ್| ವೈಕೃತರಹಸ್ಯಸ್ಯ ಸುಮೇಧಾ ಋಷಿಃ| ಅನುಷ್ಟುಪ್ ಛಂದಃ| ವಿಕೃತಿತ್ರಯರೂಪಿಣೀ ಮಹಾಲಕ್ಷ್ಮೀರ್ದೇವತಾ| ದೇವೀಮಾಹಾತ್ಮ್ಯೋತ್ತರಾಂಗತ್ವೇನ ಜಪೇ ವಿನಿಯೋಗಃ|| ಇತಿ ಸ್ಮೃತ್ವಾ ಜಪೇತ್||

೧೨) ಅಥ ಮೂರ್ತಿರಹಸ್ಯಮ್| ಮೂರ್ತಿರಹಸ್ಯಸ್ಯ ಸುಮೇಧಾ ಋಷಿಃ| ಅನುಷ್ಟುಪ್ ಛಂದಃ| ಆದಿಶಕ್ತಿರ್ಮಹಾಲಕ್ಷ್ಮೀರ್ದೇವತಾ| ದೇವೀಮಾಹಾತ್ಮ್ಯೋತ್ತರಾಂಗತ್ವೇನ ಜಪೇ ವಿನಿಯೋಗಃ|| ಇತಿ ಸ್ಮೃತ್ವಾ ಜಪೇತ್||

೧೩) ಅಥೋತ್ತರತಂತ್ರಮ್|

ಅಜ್ಞಾನಾದ್ವಿಸ್ಮೃತೇರ್ಭ್ರಾಂತೇರ್ಯನ್ಯೂನಮಧಿಕಂ ಜಪೇ| ವ್ಯತ್ಯಸ್ತಂ ಯತ್ರ ತತ್ಸರ್ವಂ ಕ್ಷಮಸ್ವ ಪರಮೇಶ್ವರಿ|| ೧ || ಬಿಂದುಮಾತ್ರಾವಿಸರ್ಗಾರ್ಣಪದವಾಕ್ಯಾದಿಷು ಭ್ರಮಾತ್| ಲುಪ್ತಂ ವ್ಯತ್ಯಸ್ತಮಧಿಕಂ ತದ್ಯಥಾವದುಮೇಸ್ತು ಮೇ|| ೨ ||

ಮಂತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ವಿಧಿಚ್ಯುತಮ್| ಯಜ್ಜಪ್ತಂ ಹಿ ಮಯಾ ದೇವಿ ಪರಿಪೂರ್ಣಂ ತದಸ್ತು ಮೇ|| ೩ || ಇತಿ ಪ್ರಾರ್ಥ್ಯ, ಗುಹ್ಯಾತಿಗುಹ್ಯಗೋಪ್ತ್ರೀ ತ್ವಂ ಗೃಹಾಣ ಮತ್ಕೃತಂ ಜಪಮ್|

ಸಿದ್ಧಿರ್ಭವತು ಮೇ ದೇವಿ ತ್ವತ್ಪ್ರಸಾದಾನ್ಮಹೇಶ್ವರಿ|| ಇತಿ ಭಾವನಯಾ ಜಲೋತ್ಸರ್ಗೇಣ ಜಪಂ ನಿವೇದಯೇತ್| ದೀಪಮಭ್ಯರ್ಚ್ಯ,

ಗಚ್ಛ ಗಚ್ಛ ಪರಂ ಸ್ಥಾನಂ ದೇವ ದೀಪ ನಮೋಸ್ತುತೇ|

ಯತ್ರ ಬ್ರಹ್ಮಾದಯೋ ದೇವಾಸ್ತತ್ರ ಗಚ್ಛ ಮಹಾಪ್ರಭ|| ಇತಿ ದೀಪಂ ವಿಸೃಜ್ಯ, (ಓಂ ಪ್ರಣೋದೇವೀ ಸರಸ್ವತೀವಾಜೇಭಿರ್ವಾಜಿನೀವತೀ| ಧೀನಾಮವಿತ್ರ್ಯವತು|| ಇತಿ ಪುಸ್ತಕಂ ನಮಸ್ಕೃತ್ಯ) ಆಸನಾದುತ್ಥಾಯ ಆಸನದೇವತಾಭ್ಯೋ ನಮಃ| ಇತ್ಯಾಸನದೇವತಾ ನಮಸ್ಕೃತ್ಯಾಸನಮಪಸಾರ್ಯ, ತತ್ಸ್ಥಾನೇ ಶಾಂತಿರಸ್ತ್ವಿತಿ ಜಲಂ ಸಿಕ್ತ್ವಾ ದ್ವಿರಾಚಾಮೇದಿತಿ ದೇವೀಮಾಹಾತ್ಮ್ಯಜಪವಿಧಾನಮ್||

Pashya-papu!