Saturday, May 16, 2015

’ಧರಿಸುವದು’ (ಊಟದ ಆರಂಭ ಮತ್ತು ಕೊನೆಯಲ್ಲಿ ಹವ್ಯಕರು ಆಚರಿಸುವ ಪದ್ಧತಿ)



|| ಅಥ ಭೋಜನವಿಧಿಃ || 

ಪ್ರಕ್ಷಾಳಿತಪಾಣಿಪಾದ ಉಪವಿಶ್ಯ, ದ್ವಿರಾಚಮ್ಯ, ಶುಚೌ ದೇಶೇ ಜಲೇನ ಚತುರಸ್ರಂ ರಚಯಿತ್ವಾ, ಭೋಜನಪಾತ್ರಂ ನಿಧಾಯ, ಪರಿವಿಷ್ಟಮನ್ನಂ ಪ್ರೋಕ್ಷತಿ | 

“ಓಂ ಭೂರ್ಭುವಸ್ಸುವಃ ತತ್ಸವಿತುರ್ವರೇಣ್ಯಂ ಭರ್ಗೋ ದೇವಸ್ಯ ಧೀಮಹಿ | ಧಿಯೋ ಯೋ ನಃ ಪ್ರಚೋದಯಾತ್” || ಇತಿ, “ಓಂ ಸತ್ಯಂ ತ್ವರ್ತೇನ ಪರಿಷಿಂಚಾಮಿ” | ಇತಿ ದಿವಿ, “ಓಂ ಋತಂ ತ್ವಾತ್ಯೇನ ಪರಿಷಿಂಚಾಮಿ” | ಇತಿ ರಾತ್ರೌ ಚ ಭೋಜನಪಾತ್ರಪರಿತ ಐಶಾನೀಮಾರಭ್ಯ, ಪ್ರದಕ್ಷಿಣಮುದಕಂ ಪರಿಷಿಂಚೇತ್ | ತದ್ದಕ್ಷಿಣತೋ ಭೂಮೌ ದಂಡಾಕಾರೇಣ ಪ್ರಾಗಪವರ್ಗಮನ್ನೇನ ಬಲಿಚತುಷ್ಟಯಂ ದದ್ಯಾತ್ | 

ಯಥಾ – ಓಂ ಚಿತ್ರಾಯ ಸ್ವಾಹಾ | ಓಂ ಚಿತ್ರಗುಪ್ತಾಯ ಸ್ವಾಹಾ | ಓಂ ಯಮಾಯ ಸ್ವಾಹಾ | ಓಂ ಯಮಧರ್ಮರಾಜಾಯ ಸ್ವಾಹಾ | ಇತಿ | ತತಃ ಕ್ರಮೇಣ ಓಂ ಚಿತ್ರಾಯ ನಮಃ | ತೃಪ್ತಿರಸ್ತು | ಓಂ ಚಿತ್ರಗುಪ್ತಾಯ ನಮಃ | ತೃಪ್ತಿರಸ್ತು | ಓಂ ಯಮಾಯ ನಮಃ | ತೃಪ್ತಿರಸ್ತು | ಓಂ ಯಮಧರ್ಮರಾಜಾಯ ನಮಃ | ತೃಪ್ತಿರಸ್ತು | ಇತಿ ಜಲಂ ದತ್ವಾ, ಸವ್ಯೇನ ಪಾಣಿನಾ ಪಾತ್ರಮವಿಮುಂಚನ್, “ಓಂ ಅಂತಶ್ಚರತಿ ಭೂತೇಷು ಗುಹಾಯಾಂ ವಿಶ್ವಮೂರ್ತಿಷು | ತ್ವಂ ಯಜ್ಞಸ್ತ್ವಂ ವಷಟ್ಕಾರಸ್ತ್ವಂ ವಿಷ್ಣುಃ ಪುರುಷಃ ಪರಃ | ಅಮೃತೇ ಅಮೃತಂ ಜುಹೋಮಿ | ಅಮೃತೋಸ್ತರಣಮಸಿ ಸ್ವಾಹಾ | ಇತಿ ಮಾಷಮಗ್ನಜಲಂ ಪಿಬೇತ್ |

ಅಥ ಪ್ರಾಣಾಹುತಯಃ | ಓಂ ಪ್ರಾಣಾಯ ಸ್ವಾಹಾ | ಓಂ ಅಪಾನಾಯ ಸ್ವಾಹಾ | ಓಂ ವ್ಯಾನಾಯ ಸ್ವಾಹಾ | ಓಂ ಉದಾನಾಯ ಸ್ವಾಹಾ | ಓಂ ಸಮಾನಾಯ ಸ್ವಾಹಾ | ಓಂ ಬ್ರಹ್ಮಣೇ ಸ್ವಾಹಾ | ಇತಿ | ತತೋ ವಾಮಹಸ್ತೇನ ಜಲಂ ಸ್ಪೃಷ್ಟ್ವಾ, ಯಥಾತ್ಮಹಿತಂ ಭುಂಜೀತ | ಭೋಜನಾಂತೇ, “ಓಂ ಅಮೃತಾಪಿಧಾನಮಸಿ ಸ್ವಾಹಾ” | ಇತ್ಯುಪರಿಷ್ಟಾಜ್ಜಲಂ ಪೀತ್ವಾ, ಹಸ್ತಂ ಪ್ರಕ್ಷಾಲ್ಯ, ಮುಖಶುದ್ಧಿಂ ಕೃತ್ವಾ, ಆಚಾಂತೋ ಹೃದಯಮಭಿಮೃಶತಿ | 

“ಓಂ ಪ್ರಾಣಾನಾಂ ಗ್ರಂಥಿರಸಿ ರುದ್ರೋ ಮಾ ವಿಶಾಂತಕಃ | ತೇನಾನ್ನೇನಾಪ್ಯಾಯಸ್ವ” || ಇತಿ ಭೋಜನವಿಧಿಃ ||

ಸಂಗ್ರಾಹಕಃ – ಪ.ಪು.

ಪರಮೇಶ್ವರ - ಪುಟ್ಟನ್ಮನೆ