|| ಅಥ ಭೋಜನವಿಧಿಃ ||™
ಪ್ರಕ್ಷಾಳಿತಪಾಣಿಪಾದ ಉಪವಿಶ್ಯ, ದ್ವಿರಾಚಮ್ಯ, ಶುಚೌ ದೇಶೇ ಜಲೇನ
ಚತುರಸ್ರಂ ರಚಯಿತ್ವಾ, ಭೋಜನಪಾತ್ರಂ ನಿಧಾಯ, ಪರಿವಿಷ್ಟಮನ್ನಂ ಪ್ರೋಕ್ಷತಿ |
“ಓಂ
ಭೂರ್ಭುವಸ್ಸುವಃ ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ | ಧಿಯೋ॒ ಯೋ ನಃ॑ ಪ್ರಚೋ॒ದಯಾ॑ತ್” || ಇತಿ, “ಓಂ ಸ॒ತ್ಯಂ ತ್ವ॒ರ್ತೇನ॒ ಪರಿ॑ಷಿಂಚಾ॒ಮಿ” | ಇತಿ ದಿವಿ,
“ಓಂ ಋ॒ತಂ ತ್ವಾ॑ ಸ॒ತ್ಯೇನ॒ ಪರಿ॑ಷಿಂಚಾ॒ಮಿ” | ಇತಿ ರಾತ್ರೌ ಚ ಭೋಜನಪಾತ್ರಪರಿತ ಐಶಾನೀಮಾರಭ್ಯ,
ಪ್ರದಕ್ಷಿಣಮುದಕಂ ಪರಿಷಿಂಚೇತ್ | ತದ್ದಕ್ಷಿಣತೋ ಭೂಮೌ ದಂಡಾಕಾರೇಣ ಪ್ರಾಗಪವರ್ಗಮನ್ನೇನ
ಬಲಿಚತುಷ್ಟಯಂ ದದ್ಯಾತ್ |
ಯಥಾ – ಓಂ ಚಿ॒ತ್ರಾಯ॒ ಸ್ವಾಹಾ॑ | ಓಂ ಚಿ॒ತ್ರಗು॑ಪ್ತಾಯ॒ ಸ್ವಾಹಾ॑ | ಓಂ ಯ॒ಮಾಯ॒ ಸ್ವಾಹಾ॑ | ಓಂ ಯಮಧರ್ಮ॑ರಾಜಾಯ॒ ಸ್ವಾಹಾ॑ | ಇತಿ | ತತಃ ಕ್ರಮೇಣ ಓಂ ಚಿತ್ರಾಯ ನಮಃ | ತೃಪ್ತಿರಸ್ತು | ಓಂ
ಚಿತ್ರಗುಪ್ತಾಯ ನಮಃ | ತೃಪ್ತಿರಸ್ತು | ಓಂ ಯಮಾಯ ನಮಃ | ತೃಪ್ತಿರಸ್ತು | ಓಂ ಯಮಧರ್ಮರಾಜಾಯ ನಮಃ
| ತೃಪ್ತಿರಸ್ತು | ಇತಿ ಜಲಂ ದತ್ವಾ, ಸವ್ಯೇನ ಪಾಣಿನಾ ಪಾತ್ರಮವಿಮುಂಚನ್, “ಓಂ ಅಂತಶ್ಚರತಿ
ಭೂತೇಷು ಗುಹಾಯಾಂ ವಿಶ್ವಮೂರ್ತಿಷು | ತ್ವಂ ಯಜ್ಞಸ್ತ್ವಂ ವಷಟ್ಕಾರಸ್ತ್ವಂ ವಿಷ್ಣುಃ ಪುರುಷಃ ಪರಃ
| ಅಮೃತೇ ಅಮೃತಂ ಜುಹೋಮಿ | ಅ॒ಮೃ॒ತೋ॒ಪ॒ಸ್ತರ॑ಣಮಸಿ॒ ಸ್ವಾಹಾ॑ | ಇತಿ ಮಾಷಮಗ್ನಜಲಂ ಪಿಬೇತ್ |
ಅಥ ಪ್ರಾಣಾಹುತಯಃ | ಓಂ ಪ್ರಾ॒ಣಾಯ॒ ಸ್ವಾಹಾ॑ | ಓಂ ಅ॒ಪಾ॒ನಾಯ॒ ಸ್ವಾಹಾ॑ | ಓಂ ವ್ಯಾ॒ನಾಯ॒ ಸ್ವಾಹಾ॑ | ಓಂ ಉ॒ದಾ॒ನಾಯ॒ ಸ್ವಾಹಾ॑ | ಓಂ ಸ॒ಮಾ॒ನಾಯ॒ ಸ್ವಾಹಾ॑ | ಓಂ ಬ್ರಹ್ಮ॑ಣೇ ಸ್ವಾ॒ಹಾ | ಇತಿ | ತತೋ
ವಾಮಹಸ್ತೇನ ಜಲಂ ಸ್ಪೃಷ್ಟ್ವಾ, ಯಥಾತ್ಮಹಿತಂ ಭುಂಜೀತ | ಭೋಜನಾಂತೇ, “ಓಂ ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ॒ ಸ್ವಾಹಾ॑” |
ಇತ್ಯುಪರಿಷ್ಟಾಜ್ಜಲಂ ಪೀತ್ವಾ, ಹಸ್ತಂ ಪ್ರಕ್ಷಾಲ್ಯ, ಮುಖಶುದ್ಧಿಂ ಕೃತ್ವಾ, ಆಚಾಂತೋ
ಹೃದಯಮಭಿಮೃಶತಿ |
“ಓಂ ಪ್ರಾಣಾನಾಂ ಗ್ರಂಥಿರಸಿ ರುದ್ರೋ ಮಾ॑ ವಿಶಾಂ॒ತಕಃ | ತೇನಾನ್ನೇನಾ॑ಪ್ಯಾಯ॒ಸ್ವ” || ಇತಿ ಭೋಜನವಿಧಿಃ ||
ಸಂಗ್ರಾಹಕಃ – ಪ.ಪು.
ಪರಮೇಶ್ವರ -
ಪುಟ್ಟನ್ಮನೆ
