ಪ್ರೌಢಶಿಕ್ಷಣೇ ನೈತಿಕಶಿಕ್ಷಣಸ್ಯ ಆವಶ್ಯಕತಾ ಅಸ್ತೀತಿ ವಿಷಯೇ ಕಿಂಚಿತ್ಪ್ರಸ್ತೂಯತೇ ಮಯಾ |
ಶಿಕ್ಷಣಸ್ಯ ಅರ್ಥಃ ನ ಕೇವಲಂ ಜ್ಞಾನಪ್ರದಾನಂ, ಅಪಿ ತು ಗುಣವತ್ತಾ ಯುಕ್ತಸ್ಯ ಜ್ಞಾನಸ್ಯ ಪ್ರದಾನಮಸ್ತಿ | ಇಯಂ ನ ಕೇವಲಂ ಏಕಾ ವ್ಯವಸ್ಥಾ, ಪರಂ ಏಕಂ ಕರ್ತವ್ಯಮಸ್ತಿ | ಶಿಕ್ಷಣಂ ಕೇವಲಂ ಜೀವನನಿರ್ವಾಹಸ್ಯ ಸಾಧನಮಿತಿ ಕೇಚನ ಮನ್ಯಂತೇ | ನ ತಥಾ, ಶಿಕ್ಷಣಮೇವ ಮನುಜಾನ್ ಗೌರವಪೂರ್ಣಜೀವನಯಾಪನೇ ಪ್ರೇರಯತಿ, ಇತ್ಯತ್ರ ನಾಸ್ತಿ ಸಂಶಯಃ | ಅತಃ ಸ್ಪಷ್ಟಂ, ನ ಕೇವಲಪ್ರೌಢಶಿಕ್ಷಣೇ, ಸಮಗ್ರಶಿಕ್ಷಣವ್ಯವಸ್ಥಾಯಾಂ ನೈತಿಕತಾ ಭವೇತ್ | ತದಾ ಸರ್ವೇಪಿ ಶಿಕ್ಷಿತಾಃ ಸಭ್ಯಾಃ, ಶುಭಗುಣ ಯುತಾಃ, ಸಂಸ್ಕೃತಿಮಂತಃ, ಸುಸಂಸ್ಕೃತಾಶ್ಚ ಭವೇಯುಃ | ಅದ್ಯತನ ಭಾರತೇ ತಾದೃಶ ಶಿಕ್ಷಣಸ್ಯ ಆವಶ್ಯಕತಾ ಅಸ್ತ್ಯೇವ |
ಶಾಸ್ತ್ರೇತಿಹಾಸ-ಪುರಾಣ-ಕಾವ್ಯಾದಿಭ್ಯೋ ಅತೀತಸ್ಯ ಭಾರತಸ್ಯ ತದುತ್ಥಾನಮವಲೋಕ್ಯ, ಅದ್ಯತನಸ್ಯ ಚ ಭಾರತಸ್ಯ ಏತಾದೃಶಂ ಶೋಚನೀಯಂ ಪತನಂ ಚ ವೀಕ್ಷ್ಯ, ಕ ಈದೃಗ್ಭಾರತೀಯೋ ಯೋ ನಾತಿತರಾಂ ದೂಯತೇ? ಅದ್ಯ ತು ಅಸ್ಯಾಂ ವಸಿಷ್ಠ-ಜನಕ-ರಾಮ-ಕೃಷ್ಣಾರ್ಜುನಾದೀನಾಂ ಪವಿತ್ರಾಯಾಂ ಭಾರತ ವಸುಧಾಯಾಂ ದಾರಾಃ ಅಪಹ್ರಿಯಂತೇ, ಮರ್ಯಾದಾಃ ನಿಪಾತ್ಯಂತೇ, ಆಚಾರಾಃ ವಿಲೋಪ್ಯಂತೇ! ಸಂಪ್ರತಿ ತು ಅಸ್ಮಿನ್ ದೇಶೇ ನಗರೇ ನಗರೇ ಗ್ರಾಮೇ ಗ್ರಾಮೇ ಗೇಹೇ ಗೇಹೇ ಚ ಪ್ರವಂಚನಪಟವೋ ದುರಾಚರಣಪ್ರಿಯಾ ಏವ ಪುರುಷಾಃ ಪ್ರಾಪ್ಯಂತೇ!
ಯದ್ಯಪಿ ಭಾರತಂ ತದೇವ ವರ್ತತೇ ; ಸ ಏವ ಹಿಮಾಲಯ ಇಹ ತಿಷ್ಠತಿ ; ಸೈವ ಗಂಗಾತ್ರ ಪ್ರವಹತಿ ; ಸೈವ ಭೂಮಿರಿಹ ವಿದ್ಯತೇ ; ಪರಂ ನ ಮಾನವೇಷು ನ ಮಾನವತಾ, ನ ಮಹಿಲಾಸು ಸಂಸ್ಕೃತ್ಯಾಂ ನಿಷ್ಠಾ, ನ ಬಂಧುಷು ಬಂಧುತ್ವಂ, ನ ಮಿತ್ರೇಷು ಮಿತ್ರತ್ವಂ, ನ ಧನವತ್ಸು ದೀನ-ದರಿದ್ರಭರಣಭಾವಃ, ನ ಶಾಸನ ಕಾರಿಷು ಜನ ವಾತ್ಸಲ್ಯಂ ಪ್ರಾಯೇಣ ಸಂಲಕ್ಷ್ಯತೇ ! ಅತಃ ಅದ್ಯ ತನಭಾರತೇ ತಾದೃಶ ನೈತಿಕಶಿಕ್ಷಣಸ್ಯ ಆವಶ್ಯಕತಾ ಅಸ್ತ್ಯೇವ |
ಭಾರತೀಯಾನಾಂ ಸತ್ಯ ವಿನಯ ಧೈರ್ಯಾಧ್ಯವಸಾಯ-ಉದ್ಯೋಗೋದಾರತಾ-ಸಮಯಪರಿಪಾಲನ-ಗುರುಜನ-ಸೇವಾದಿಕಾಶ್ಚ ಗುಣಾಃ ಚರಿತ್ರನಿರ್ಮಾಣಾರ್ಥಮತಿತರಾಂ ಅಪೇಕ್ಷ್ಯಂತೇ | ವಿನಯಸ್ತು ಮಾನವಸ್ಯ ಭೂಷಣಮೇವ ಯಥಾ ಸೌರಂಭಂ ವಿನಾ ನ ಕುಸುಮಂ ಶೋಭತೇ | ತಥೈವ ವಿನಯಂ ವಿನಾ ಪುರುಷಃ | ವಿದ್ಯಾಯಾ ವರದಾನಮೇವ ವಿನಯಃ | ಅಭಿಮಾನವತಿ ಜನೇ ಸರ್ವ ಏವ ಜುಗುಪ್ಸಂತೇ | ಸಮಾಜೇ ಸಂಮಾನ ಲಾಭಾಯ ವಿನಯೋಸ್ತ್ಯಾಕಾಂಕ್ಷಿತಃ | ಅತಃ ವಿನಯಾದಿ ಗುಣಾನಾಂ ಉದ್ಬೋಧಕ ನೈತಿಕಶಿಕ್ಷಣಸ್ಯ ಆವಶ್ಯಕತಾ ಅಸ್ತೀತಿ ಮೇ ಮತಿಃ |
ಸ್ವಕೀಯೇಭ್ಯಃ ಆಪ್ತೇಭ್ಯಃ ಪಿತೃಪಿತಾಮಹ ಪ್ರಪಿತಾಮಹಾದಿಭ್ಯಃ ಕುಲಪರಂಪರಾಯಾಃ ಸಕಾಸಾಚ್ಚ ಕಸ್ಯಚನ ದೇಶಸ್ಯ ಜನತಾ ಯಾನ್ ಆಚಾರಾನ್ ವಿಚಾರಾನ್ ವ್ಯವಹಾರಾನ್ ರೀತಿನೀತಿಕ್ರಿಯಾಕಾರ್ಯ ಕಲಾಪಾಂಶ್ಚ ಅಧಿಗಮ್ಯ, ಆಚರಣೇ ಚ ಪರಿಣಮಯ್ಯ, ನೈಜಂ ಜೀವನಮ್ ಯಾಪಯತಿ, ತ ಆಚಾರವಿಚಾರಾದಯ ಏವ “ಸಂಸ್ಕೃತಿಃ” ಇತ್ಯೇತೇನ ಶಬ್ದೇನ ಪ್ರೋಚ್ಯಂತೇ | ತಾದೃಶ ಸಂಸ್ಕೃತಿಪ್ರತಿಪಾದಿತ-ತತ್ವ ಪ್ರಬೋಧಕನೈತಿಕಶಿಕ್ಷಣಸ್ಯ ನ ಕೇವಲಾ ಆವಶ್ಯಕತಾ, ಅನಿ ವಾರ್ಯತಾ ಏವ ಅಸ್ತಿ |
ನಾತ್ರ ಸಂಸಾರೇ ವಿದ್ಯಾವತಾಂ ನ ಐಶ್ವರ್ಯಶಾಲಿನಾಂ ನ ಪರಮೋಚ್ಚಪದಾಸೀನಾನಾಂ ನ ಸುಂದರಾಣಾಂ ನೋದಗ್ರ ವಂಶಸಂಭವಾನಾಂ ನ ಕಲಾ ಕೋವಿದಾನಾಂ ನ ಪಂಡಿತಾನಾಂ ನಾನ್ಯೇಷಾಮಪಿ ಕೇಷಾಂ ತಾದೃಶೀ ಪೂಜೋಪಾಸನಾ ಪ್ರತಿಷ್ಠಾ ಚ ಭವತಿ ಯಾದೃಶೀ ಸಚ್ಚರಿತ್ರಸ್ಯ ಮಾನವಸ್ಯ | ಲೋಕೋಯಮಖಿಲಃ ಸಚ್ಚರಿತ್ರ ಏವ ಶ್ರದ್ಧತ್ತೇ, ತತ್ರೈವ ವಿಶ್ವಸಿತಿ, ತತ್ರೈವ ಹಾರ್ದಿಕೀಂ ಪ್ರೀತಿಂ ನಿಬಧ್ನಾತಿ, ತತ್ರೈವ ನೈಜಂ ಸರ್ವಮಪಿ ಸನ್ನಿದಧಾತಿ | ಅತಃ ಶ್ರೇಯಃ ಪ್ರೇಯಸಾಧಕಂ ಚಾರಿತ್ರ್ಯಮಿದಂ ಕೇನ ವಿಧಿನಾ ಲಭ್ಯಂ? ಇತಿ ಚೇತ್, ನೈತಿಕಶಿಕ್ಷಣೇನ ಇತಿ ನಿಶ್ಚಪ್ರಚಮ್ ||
ಅತಃ ನವಭಾರತನಿರ್ಮಾಣಾಯ ಪ್ರೌಢಶಿಕ್ಷಣಾದಾರಭ್ಯ ಉಚ್ಚಶಿಕ್ಷಣ ಪರ್ಯಂತಂ ಶಿಕ್ಷಣವ್ಯವಸ್ಥಾಸು ನೈತಿಕಶಿಕ್ಷಣಂ ಬಹುಮೌಲ್ಯಂ ಭಜತೇ | ತೇನ ನೈತಿಕಶಿಕ್ಷಣೇನ ಲೋಕೇಷು ಗುಣಯುಕ್ತತಾ, ಸದಾಚಾರತಾ, ಸುಸಂಸ್ಕೃತತಾ, ಸುಚರಿತ್ರತಾ ಚ ದರೀದೃಶ್ಯಂತೇ | ಅತ ಏವ ಭಾರತಸರ್ವಕಾರಸ್ಯ “ಮಾನವಸಂಸಾಧನ ಏವಂ ವಿಕಾಸ ಮಂತ್ರಾಲಯ” ದ್ವಾರಾ ಭ್ರಷ್ಟಾಚಾರಾದಿ ಸಾಮಾಜಿಕ ವ್ಯಾಧೀನಾಂ ತಥಾ ಅತ್ಯಾಚಾರಾದಿ ಸಾಮಾಜಿಕ ಆಧೀನಾಂ ಚ ಸಮೂಲಮುನ್ಮೂಲನಾರ್ಥಂ ನೈತಿಕಶಿಕ್ಷಣಸ್ಯ ಆವಶ್ಯಕತಾಂ ಪರಿಗಣಯ್ಯ, ಪಾಠ್ಯಕ್ರಮೇ ಯೋಜಯಿತುಂ ಕಾರ್ಯಪ್ರವೃತ್ತಿಃ ಕೃತಾ ಅಸ್ತಿ | ಅಸ್ಯ ಕಾರ್ಯಸ್ಯ ವಯಂ ಸರ್ವೇ ಅನುಮೋದ್ಯ, ಶೀಘ್ರಮೇವ ಸಾಮಾಜಿಕ-ಆಧಿವ್ಯಾಧೀನಾಂ ಮೂಲತಃ ಉಚ್ಚಾಟನಂ ಕುರ್ಮಃ || ಅತ ಏವ ಮಯಾ ಆದೌ ಯತ್ಕಥಿತಂ “ಶಿಕ್ಷಣಸ್ಯ ಅರ್ಥಃ ನ ಕೇವಲಂ ಜ್ಞಾನಪ್ರದಾನಂ, ಅಪಿ ತು ಗುಣವತ್ತಾ ಯುಕ್ತಸ್ಯ ಜ್ಞಾನಸ್ಯ ಪ್ರದಾನಮಸ್ತಿ” | ಇತಿ, ತತ್ರ ಭವಂತಃ ಸಭ್ಯಾ ಏವ ಪ್ರಮಾಣಮ್ | ವಂದೇ ಭಾರತಮಾತರಮ್ ||
____ ಪ. ಪು.___
ಶಿಕ್ಷಣಸ್ಯ ಅರ್ಥಃ ನ ಕೇವಲಂ ಜ್ಞಾನಪ್ರದಾನಂ, ಅಪಿ ತು ಗುಣವತ್ತಾ ಯುಕ್ತಸ್ಯ ಜ್ಞಾನಸ್ಯ ಪ್ರದಾನಮಸ್ತಿ | ಇಯಂ ನ ಕೇವಲಂ ಏಕಾ ವ್ಯವಸ್ಥಾ, ಪರಂ ಏಕಂ ಕರ್ತವ್ಯಮಸ್ತಿ | ಶಿಕ್ಷಣಂ ಕೇವಲಂ ಜೀವನನಿರ್ವಾಹಸ್ಯ ಸಾಧನಮಿತಿ ಕೇಚನ ಮನ್ಯಂತೇ | ನ ತಥಾ, ಶಿಕ್ಷಣಮೇವ ಮನುಜಾನ್ ಗೌರವಪೂರ್ಣಜೀವನಯಾಪನೇ ಪ್ರೇರಯತಿ, ಇತ್ಯತ್ರ ನಾಸ್ತಿ ಸಂಶಯಃ | ಅತಃ ಸ್ಪಷ್ಟಂ, ನ ಕೇವಲಪ್ರೌಢಶಿಕ್ಷಣೇ, ಸಮಗ್ರಶಿಕ್ಷಣವ್ಯವಸ್ಥಾಯಾಂ ನೈತಿಕತಾ ಭವೇತ್ | ತದಾ ಸರ್ವೇಪಿ ಶಿಕ್ಷಿತಾಃ ಸಭ್ಯಾಃ, ಶುಭಗುಣ ಯುತಾಃ, ಸಂಸ್ಕೃತಿಮಂತಃ, ಸುಸಂಸ್ಕೃತಾಶ್ಚ ಭವೇಯುಃ | ಅದ್ಯತನ ಭಾರತೇ ತಾದೃಶ ಶಿಕ್ಷಣಸ್ಯ ಆವಶ್ಯಕತಾ ಅಸ್ತ್ಯೇವ |
ಶಾಸ್ತ್ರೇತಿಹಾಸ-ಪುರಾಣ-ಕಾವ್ಯಾದಿಭ್ಯೋ ಅತೀತಸ್ಯ ಭಾರತಸ್ಯ ತದುತ್ಥಾನಮವಲೋಕ್ಯ, ಅದ್ಯತನಸ್ಯ ಚ ಭಾರತಸ್ಯ ಏತಾದೃಶಂ ಶೋಚನೀಯಂ ಪತನಂ ಚ ವೀಕ್ಷ್ಯ, ಕ ಈದೃಗ್ಭಾರತೀಯೋ ಯೋ ನಾತಿತರಾಂ ದೂಯತೇ? ಅದ್ಯ ತು ಅಸ್ಯಾಂ ವಸಿಷ್ಠ-ಜನಕ-ರಾಮ-ಕೃಷ್ಣಾರ್ಜುನಾದೀನಾಂ ಪವಿತ್ರಾಯಾಂ ಭಾರತ ವಸುಧಾಯಾಂ ದಾರಾಃ ಅಪಹ್ರಿಯಂತೇ, ಮರ್ಯಾದಾಃ ನಿಪಾತ್ಯಂತೇ, ಆಚಾರಾಃ ವಿಲೋಪ್ಯಂತೇ! ಸಂಪ್ರತಿ ತು ಅಸ್ಮಿನ್ ದೇಶೇ ನಗರೇ ನಗರೇ ಗ್ರಾಮೇ ಗ್ರಾಮೇ ಗೇಹೇ ಗೇಹೇ ಚ ಪ್ರವಂಚನಪಟವೋ ದುರಾಚರಣಪ್ರಿಯಾ ಏವ ಪುರುಷಾಃ ಪ್ರಾಪ್ಯಂತೇ!
ಯದ್ಯಪಿ ಭಾರತಂ ತದೇವ ವರ್ತತೇ ; ಸ ಏವ ಹಿಮಾಲಯ ಇಹ ತಿಷ್ಠತಿ ; ಸೈವ ಗಂಗಾತ್ರ ಪ್ರವಹತಿ ; ಸೈವ ಭೂಮಿರಿಹ ವಿದ್ಯತೇ ; ಪರಂ ನ ಮಾನವೇಷು ನ ಮಾನವತಾ, ನ ಮಹಿಲಾಸು ಸಂಸ್ಕೃತ್ಯಾಂ ನಿಷ್ಠಾ, ನ ಬಂಧುಷು ಬಂಧುತ್ವಂ, ನ ಮಿತ್ರೇಷು ಮಿತ್ರತ್ವಂ, ನ ಧನವತ್ಸು ದೀನ-ದರಿದ್ರಭರಣಭಾವಃ, ನ ಶಾಸನ ಕಾರಿಷು ಜನ ವಾತ್ಸಲ್ಯಂ ಪ್ರಾಯೇಣ ಸಂಲಕ್ಷ್ಯತೇ ! ಅತಃ ಅದ್ಯ ತನಭಾರತೇ ತಾದೃಶ ನೈತಿಕಶಿಕ್ಷಣಸ್ಯ ಆವಶ್ಯಕತಾ ಅಸ್ತ್ಯೇವ |
ಭಾರತೀಯಾನಾಂ ಸತ್ಯ ವಿನಯ ಧೈರ್ಯಾಧ್ಯವಸಾಯ-ಉದ್ಯೋಗೋದಾರತಾ-ಸಮಯಪರಿಪಾಲನ-ಗುರುಜನ-ಸೇವಾದಿಕಾಶ್ಚ ಗುಣಾಃ ಚರಿತ್ರನಿರ್ಮಾಣಾರ್ಥಮತಿತರಾಂ ಅಪೇಕ್ಷ್ಯಂತೇ | ವಿನಯಸ್ತು ಮಾನವಸ್ಯ ಭೂಷಣಮೇವ ಯಥಾ ಸೌರಂಭಂ ವಿನಾ ನ ಕುಸುಮಂ ಶೋಭತೇ | ತಥೈವ ವಿನಯಂ ವಿನಾ ಪುರುಷಃ | ವಿದ್ಯಾಯಾ ವರದಾನಮೇವ ವಿನಯಃ | ಅಭಿಮಾನವತಿ ಜನೇ ಸರ್ವ ಏವ ಜುಗುಪ್ಸಂತೇ | ಸಮಾಜೇ ಸಂಮಾನ ಲಾಭಾಯ ವಿನಯೋಸ್ತ್ಯಾಕಾಂಕ್ಷಿತಃ | ಅತಃ ವಿನಯಾದಿ ಗುಣಾನಾಂ ಉದ್ಬೋಧಕ ನೈತಿಕಶಿಕ್ಷಣಸ್ಯ ಆವಶ್ಯಕತಾ ಅಸ್ತೀತಿ ಮೇ ಮತಿಃ |
ಸ್ವಕೀಯೇಭ್ಯಃ ಆಪ್ತೇಭ್ಯಃ ಪಿತೃಪಿತಾಮಹ ಪ್ರಪಿತಾಮಹಾದಿಭ್ಯಃ ಕುಲಪರಂಪರಾಯಾಃ ಸಕಾಸಾಚ್ಚ ಕಸ್ಯಚನ ದೇಶಸ್ಯ ಜನತಾ ಯಾನ್ ಆಚಾರಾನ್ ವಿಚಾರಾನ್ ವ್ಯವಹಾರಾನ್ ರೀತಿನೀತಿಕ್ರಿಯಾಕಾರ್ಯ ಕಲಾಪಾಂಶ್ಚ ಅಧಿಗಮ್ಯ, ಆಚರಣೇ ಚ ಪರಿಣಮಯ್ಯ, ನೈಜಂ ಜೀವನಮ್ ಯಾಪಯತಿ, ತ ಆಚಾರವಿಚಾರಾದಯ ಏವ “ಸಂಸ್ಕೃತಿಃ” ಇತ್ಯೇತೇನ ಶಬ್ದೇನ ಪ್ರೋಚ್ಯಂತೇ | ತಾದೃಶ ಸಂಸ್ಕೃತಿಪ್ರತಿಪಾದಿತ-ತತ್ವ ಪ್ರಬೋಧಕನೈತಿಕಶಿಕ್ಷಣಸ್ಯ ನ ಕೇವಲಾ ಆವಶ್ಯಕತಾ, ಅನಿ ವಾರ್ಯತಾ ಏವ ಅಸ್ತಿ |
ನಾತ್ರ ಸಂಸಾರೇ ವಿದ್ಯಾವತಾಂ ನ ಐಶ್ವರ್ಯಶಾಲಿನಾಂ ನ ಪರಮೋಚ್ಚಪದಾಸೀನಾನಾಂ ನ ಸುಂದರಾಣಾಂ ನೋದಗ್ರ ವಂಶಸಂಭವಾನಾಂ ನ ಕಲಾ ಕೋವಿದಾನಾಂ ನ ಪಂಡಿತಾನಾಂ ನಾನ್ಯೇಷಾಮಪಿ ಕೇಷಾಂ ತಾದೃಶೀ ಪೂಜೋಪಾಸನಾ ಪ್ರತಿಷ್ಠಾ ಚ ಭವತಿ ಯಾದೃಶೀ ಸಚ್ಚರಿತ್ರಸ್ಯ ಮಾನವಸ್ಯ | ಲೋಕೋಯಮಖಿಲಃ ಸಚ್ಚರಿತ್ರ ಏವ ಶ್ರದ್ಧತ್ತೇ, ತತ್ರೈವ ವಿಶ್ವಸಿತಿ, ತತ್ರೈವ ಹಾರ್ದಿಕೀಂ ಪ್ರೀತಿಂ ನಿಬಧ್ನಾತಿ, ತತ್ರೈವ ನೈಜಂ ಸರ್ವಮಪಿ ಸನ್ನಿದಧಾತಿ | ಅತಃ ಶ್ರೇಯಃ ಪ್ರೇಯಸಾಧಕಂ ಚಾರಿತ್ರ್ಯಮಿದಂ ಕೇನ ವಿಧಿನಾ ಲಭ್ಯಂ? ಇತಿ ಚೇತ್, ನೈತಿಕಶಿಕ್ಷಣೇನ ಇತಿ ನಿಶ್ಚಪ್ರಚಮ್ ||
ಅತಃ ನವಭಾರತನಿರ್ಮಾಣಾಯ ಪ್ರೌಢಶಿಕ್ಷಣಾದಾರಭ್ಯ ಉಚ್ಚಶಿಕ್ಷಣ ಪರ್ಯಂತಂ ಶಿಕ್ಷಣವ್ಯವಸ್ಥಾಸು ನೈತಿಕಶಿಕ್ಷಣಂ ಬಹುಮೌಲ್ಯಂ ಭಜತೇ | ತೇನ ನೈತಿಕಶಿಕ್ಷಣೇನ ಲೋಕೇಷು ಗುಣಯುಕ್ತತಾ, ಸದಾಚಾರತಾ, ಸುಸಂಸ್ಕೃತತಾ, ಸುಚರಿತ್ರತಾ ಚ ದರೀದೃಶ್ಯಂತೇ | ಅತ ಏವ ಭಾರತಸರ್ವಕಾರಸ್ಯ “ಮಾನವಸಂಸಾಧನ ಏವಂ ವಿಕಾಸ ಮಂತ್ರಾಲಯ” ದ್ವಾರಾ ಭ್ರಷ್ಟಾಚಾರಾದಿ ಸಾಮಾಜಿಕ ವ್ಯಾಧೀನಾಂ ತಥಾ ಅತ್ಯಾಚಾರಾದಿ ಸಾಮಾಜಿಕ ಆಧೀನಾಂ ಚ ಸಮೂಲಮುನ್ಮೂಲನಾರ್ಥಂ ನೈತಿಕಶಿಕ್ಷಣಸ್ಯ ಆವಶ್ಯಕತಾಂ ಪರಿಗಣಯ್ಯ, ಪಾಠ್ಯಕ್ರಮೇ ಯೋಜಯಿತುಂ ಕಾರ್ಯಪ್ರವೃತ್ತಿಃ ಕೃತಾ ಅಸ್ತಿ | ಅಸ್ಯ ಕಾರ್ಯಸ್ಯ ವಯಂ ಸರ್ವೇ ಅನುಮೋದ್ಯ, ಶೀಘ್ರಮೇವ ಸಾಮಾಜಿಕ-ಆಧಿವ್ಯಾಧೀನಾಂ ಮೂಲತಃ ಉಚ್ಚಾಟನಂ ಕುರ್ಮಃ || ಅತ ಏವ ಮಯಾ ಆದೌ ಯತ್ಕಥಿತಂ “ಶಿಕ್ಷಣಸ್ಯ ಅರ್ಥಃ ನ ಕೇವಲಂ ಜ್ಞಾನಪ್ರದಾನಂ, ಅಪಿ ತು ಗುಣವತ್ತಾ ಯುಕ್ತಸ್ಯ ಜ್ಞಾನಸ್ಯ ಪ್ರದಾನಮಸ್ತಿ” | ಇತಿ, ತತ್ರ ಭವಂತಃ ಸಭ್ಯಾ ಏವ ಪ್ರಮಾಣಮ್ | ವಂದೇ ಭಾರತಮಾತರಮ್ ||
____ ಪ. ಪು.___
No comments:
Post a Comment