’ಸಮಾಜಃ’ ಉನ್ನತಶಿಕ್ಷಣೇನ ಸಾಧ್ಯಃ |

’ಸಮಾಜಃ’ ಉನ್ನತಶಿಕ್ಷಣೇನ ಸಾಧ್ಯಃ |

ಸರ್ವೇಪಿ ಸುಖಿನಃ ಸಂತು ಸರ್ವೇ ಸಂತು ನಿರಾಮಯಾಃ |

ಸರ್ವೇ ಭದ್ರಾಣಿ ಪಶ್ಯಂತು ಮಾ ಕಶ್ಚಿದ್ದುಃಖಭಾಗ್ಭವೇತ್ ||

     “ಸಮಾಜ” ಇತ್ಯೇತತ್ಪದಂ ಆತ್ಮನಿ ನಿತಾಂತವ್ಯಾಪಕಮರ್ಥಂ ನಿಧಾಯ ಪದಜಗತಿ ಸಂಶೋಭತೇ | ಸರ್ವ ಏವ ಮಾನವೀಯಾಃ ಸಂಬಂಧಾಃ ಸಂಸ್ಥಾಶ್ಚ “ಸಮಾಜ” ಇತ್ಯೇತೇನ ನಾಮಧೇಯೇನ ವ್ಯವಹ್ರಿಯಂತೇ | ನೈತದಿಹ ವಿಸ್ಮರಣೀಯಂ, ಯತ್ ಸ ಏವ ಮಾನವಸಮವಾಯಃ “ಸಮಾಜ” ಇತ್ಯೇತಾಂ ಸಂಜ್ಞಾಂ ಭಜತೇ; ಯತ್ರ ಸೌಹಾರ್ದಮಯ – ಶಾಂತಿ – ಶುಚಿ - ಜೀವನಯಾಪನಾನುರಾಗೋ ಜಾಗರ್ತಿ | ತಾದೃಶಜಾಗರಣಂ ಉನ್ನತಶಿಕ್ಷಣೇನ ವಿನಾ ಅಸಾಧ್ಯಃ ||

    ಕೇನಾಪ್ಯುನ್ನತಶಿಕ್ಷಣವತಾ ಜನೇನ - ಅಹಿತಂ ಮಾನವಮರ್ಯಾದಾ ವಿರಹಿತಂ ಚ ಕಾರ್ಯಂ ನಾಪೇಕ್ಷಾಮಹೇ ! ಯತೋ ಹಿ ಸ ಏವ ಸಮಾಜಸ್ಯ ಮಾನಂ ಪ್ರತಿಷ್ಠಾಂ ಚ ವರ್ಧಯೇತ್ ; ಸಮಾಜೀಯಾನ್ ನಿಯಮಾನ್ ರಕ್ಷೇತ್ | ಅತ ಏವ ನಿಶ್ಚಪ್ರಚಂ ಯತ್ “ಉನ್ನತಶಿಕ್ಷಣೇನ ವ್ಯಕ್ತೇರ್ವಿಕಾಸಃ ಅಥವಾ ಸ್ವವ್ಯಕ್ತಿತ್ವವಿಕಾಸಃ; ತೇನ ಸುಸಂಸ್ಕೃತತಾ; ತೇನ ಕಲೋಪಾಸಕತಾ; ತೇನ ಕರ್ಮಸು ಕೌಶಲ್ಯಮ್; ತೇನ ಚ - ಆರ್ಥಿಕಮುತ್ಥಾನಂ ಭವಿತುಮರ್ಹತಿ” ||

      ನ ವ್ಯಕ್ತಿಸಮಾಜಯೋರ್ಹಿತೇಷು ಪಾರಸ್ಪರಿಕೋ ವಿರೋಧಃ | ಸಮಾಜಸ್ಯ ವ್ಯಕ್ತೇಶ್ಚ ಕಲ್ಯಾಣಂ ತದೈವ ಸಂಭವಂ ಯದಾ ಸಮಾಜೋ ವ್ಯಕ್ತಿಶ್ಚ ಪರಸ್ಪರಂ ಸಂಹತ್ಯ, ಸ್ವಂ ಸ್ವಂ ಕರ್ತವ್ಯಂ ರಕ್ಷೇತ್ | ಏತಾದೃಶ ರಕ್ಷಣಂ ಶಿಕ್ಷಣೇನ ವಿನಾ ನ ಸಾಧ್ಯತೇ |  

        ಯತೋ ಹಿ ಕುರುಕ್ಷೇತ್ರೇ ವಿಷಾದಹತಂ ಅರ್ಜುನಂ ಶ್ರೀಕೃಷ್ಣಃ ಶಿಕ್ಷಯತಿ | ಯುದ್ಧಭೂಮೌ ಸ್ವಕರ್ತವ್ಯಸ್ಯಾಪಾಲನಂ ಕಾಪುರುಷತ್ವಮಸ್ತೀತಿ | ತೇನ ಶಿಕ್ಷಣೇನಾರ್ಜುನಃ ಸಮಾಜೇ ಸ್ಥಿತ್ವೈವ ನಿಷ್ಕಾಮಕರ್ಮಾಚರಣಂ ವರಮಿತಿ ಮತ್ವಾ; ವಿಜಯೀ ಭವತಿ |

     ಅತಃ ಉಚ್ಚಶಿಕ್ಷಣೇನ ವಯಂ ಸಂಘಟಿತಾಃ ಭೂತ್ವಾ, ಭಾರತೀಯತಾಯಾಃ; ವಿದ್ಯಾಯಾಃ; ಪ್ರಭುತಾಯಾಃ; ಮಾನವಮರ್ಯಾದಾಯಾಶ್ಚ ಯೋಗೇನ ಸಮಾಜಂ ಸುಖೇನ ಶಾಂತ್ಯಾ ಭಾವಯಾಮಃ || ಇತ್ಯಾಶಾಸ್ಯ, ಪುನಃ ಪ್ರಾರ್ಥ್ಯತೇ |

“ಸಂಗಚ್ಛಧ್ವಂ ಸಂವದಧ್ವಮ್ | ಸಂವೋ ಮನಾಂಸಿ ಜಾನತಾಮಿತಿ” ||

 ಪರಮೇಶ್ವರ - ಪುಟ್ಟನ್ಮನೆ