ದೇವಾಲಯಗಳಲ್ಲಿ ನಮ್ಮಿಂದಾಗುವ ದೇವರ ಕುರಿತಾದ ಅಪಚಾರಗಳು!

|| ದ್ವಾತ್ರಿಂಶದ್ದೇವಾಪರಾಧಾಃ ||

ಅಪಚಾರಾಸ್ತಥಾ ವಿಷ್ಣೋರ್ದ್ವಾತ್ರಿಂಶತ್ ಪರಿಕೀರ್ತಿತಾಃ |

ಯಾನೈರ್ವಾ ಪಾದುಕೈರ್ವಾಪಿ ಗಮನಂ ಭಗವದ್ಗೃಹೇ ||

ದೇವೋತ್ಸವಾದ್ಯಸೇವಾ ಚಾಪ್ರಣಾಮಂ ಚ ತದಗ್ರತಃ |

ಏಕಹಸ್ತಪ್ರಣಾಮಶ್ಚ ತತ್ಪುರಸ್ತಾತ್ ಪ್ರದಕ್ಷಿಣಮ್ ||

ಉಚ್ಛಿಷ್ಟೇ ಚೈವ ಚಾಶೌಚೇ ಭಗವದ್ವನ್ದನಾದಿಕಮ್ |

ಪಾದಪ್ರಸಾರಣಂ ಚಾಗ್ರೇ ತಥಾ ಪರ್ಯಙ್ಕಬನ್ಧನಮ್ ||

ಶಯನಂ ಭೋಜನಂ ಚೈವ ಮಿಥ್ಯಾಭಾಷಣಮೇವ ಚ |

ಉಚ್ಚೈರ್ಭಾಷಾ ವೃಥಾ ಜಲ್ಪೋ ರೋದನಾದ್ಯಂ ಚ ವಿಗ್ರಹಃ ||

ನಿಗ್ರಹೋನುಗ್ರಹಶ್ಚೈವ ಸ್ತ್ರೀಷು ಸಾಕೂತಭಾಷಣಮ್ |

ಅಶ್ಲೀಲಕಥನಂ ಚೈವಾಪ್ಯಧೋ ವಾಯುವಿಮೋಕ್ಷಣಮ್ ||

ಕಮ್ಬಲಾವರಣಂ ಚೈವ ಪರನಿನ್ದಾ ಪರಸ್ತುತಿಃ |

ಶಕ್ತೌ ಗೌಣೋಪಚಾರಶ್ಚಾಪ್ಯನಿವೇದಿತಭಕ್ಷಣಮ್ ||

ತತ್ಕಾಲೋದ್ಭವಾನಾಂ ಚ ಫಲಾದೀನಾಮನರ್ಪಣಮ್ |

ವಿನಿಯುಕ್ತಾವಶಿಷ್ಟಸ್ಯ ಪ್ರದಾನಂ ವ್ಯಞ್ಜನಾದಿಷು ||

ಪೃಷ್ಠೀಕೃತ್ಯಾಸನಂ ಚೈವ ಪರೇಷಾಮಭಿವನ್ದನಮ್ |

ಗುರೌ ಮೌನಂ ನಿಜಸ್ತೋತ್ರಂ ದೇವತಾ ನಿನ್ದನಂ ತಥಾ ||

ಅಪಚಾರಾನ್ಸ್ತು ವಿವಿಧಾನೀದೃಶಾನ್ ಪರಿವರ್ಜಯೇತ್ |

ಅಪಚಾರೇಷ್ವನನ್ತೇಷು ಸತ್ಸ್ವನ್ಯೇಷು ಪ್ರಮಾದತಃ ||

ಕ್ಷಮಸ್ವೇತ್ಯರ್ಥನೈವೈಕಾ ನಿಷ್ಕೃತಿರ್ನಿರುಪದ್ರವಾ |

ಅನ್ಯಥಾ ಯದಿ ಕುರ್ವಾಣಃ ಪ್ರಮಾದಾಜ್ಜ್ಞಾನತೋಥವಾ ||

ಸ ಯಾತಿ ನರಕಾನ್ ಘೋರಾನ್ ಸನ್ತತಂ ಭೃಶದಾರುಣಾನ್ |

ಯೇ ತು ಸ್ಮರಣಮಾತ್ರೇಣ ಭವನ್ತಿ ಹೃದಯಚ್ಛಿದಃ || ಇತಿ ||

ಸಂಗ್ರಾಹಕಃ

ಪರಮೇಶ್ವರ ಪುಟ್ಟನ್ಮನೆ

Pashya-papu!