|| ಸ್ವಾಗತ - ಸಂಸ್ಕೃತಮ್ ||
ಸ್ವಾಗತಂ ವೋ ಮಹಾಭಾಗಾಃ ಸ್ವಾಗತಂ ವೋ ಮಹಾಬುಧಾಃ |
ತುಷ್ಯಾಮೋ ದರ್ಶನಾತ್ಸದ್ಯೋ ಯುಷ್ಮಾಕಮಮರೋಪಮಾಃ ||
೦೧ ||
ಯಥಾಮೃತಸ್ಯ ಸಂಪ್ರಾಪ್ತಿರ್ಯಥಾ ವರ್ಷಮನೂದಕೇ |
ಯಥಾ ಸದೃಶದಾರೇಷು ಪುತ್ರಜನ್ಮಾಪ್ರಜಸ್ಯ ಚ || ೦೨ ||
ಪ್ರನಷ್ಟಸ್ಯ ಯಥಾ ಲಾಭೋ ಯಥಾ ಹರ್ಷೋ ಮಹೋದಯೇ |
ತಥೈವಾಗಮನಂ ಮನ್ಯೇ ಸ್ವಾಗತಂ ವಸ್ಸುಬಾಂಧವಾಃ || ೦೩
||
ಸ್ವಾಗತಂ ಭವತೇ ವಿಷ್ಣೋ ಲಕ್ಷ್ಮ್ಯಾ ಪ್ರಾಪ್ತೋಽಸಿ ಮೇ ಗೃಹಮ್ |
ಅಸ್ತಂ ಚ ಸವಿತಾ ಯಾತಃ ಸಂಧ್ಯೇಯಂ ಸಮುಪಸ್ಥಿತಾ ||
೦೪ ||
ಲಕ್ಷ್ಮೀನಾರಾಯಣಾವತ್ರ ತ್ವಾಗತೌ ಭದ್ರಮಸ್ತು ವಃ |
ಅಪಿ ಸ್ವಜ್ಞಾತಿ ಬಂಧೂನಾಂ ಅನಮೀವಮನಾಮಯಮ್ || ೦೫ ||
ಸರ್ವೇಽಪಿ ಸುಖಿನಃ ಸಂತು ಸರ್ವೇ ಸಂತು ನಿರಾಮಯಾಃ |
ಸರ್ವೇ ಭದ್ರಾಣಿ ಪಶ್ಯಂತು ನ
ಕಶ್ಚಿದ್ದುಃಖಮಾಪ್ನುಯಾತ್ || ೦೬ ||
ಸಂಪಾದಕಃ
ಪರಮೇಶ್ವರ ಪುಟ್ಟನಮನೆ
